把《阿郎的故事》片尾曲，唱到街知巷聞的李健達，近年在香港生活，感到如成名作歌名一樣「也許不易」。
去年決心連根拔起，離開土生土長的香港，以退休人士申請在泰國定居，並在曼谷市區租一個五百呎的竇，只是三萬泰銖(約港幣七千多元)。他坦言現在從事音樂，賺的是有限錢，故在香港屋租動輒也過萬，生活令他感到有份無形的壓力。
「其實臨離開香港前，生活已經慳咗好多，但始終你嘅收入萎縮緊，就一定要諗辦法平衡開支。當時我慳到只用100元一日，唔難嘅！有時今日食多咗錢，聽日縮食返囉！但喺香港，真係壓力好大，嗰種壓力，其實係最傷身體。」
老友鄭敬基曾問他，由香港到現在遷移泰國，兩地生活各值幾多分？他說在泰國生活有八分，但在香港狀態只值四分。
「依家喺泰國生活鬆動好多，呢度一餐大約係港幣十元，平均十元有三餸一飯，依家我使100泰銖一日啫！即約港紙25蚊左右。至少有個竇，唔使好似喺香港咁慘，七千蚊只能住劏房。至於工作，我做音樂冇影響，唔需要轉行。」李健達說。
文化差異，他說只要有一個包容的心，接受當地人節奏不如香港般快，便不成問題。至於有否想過，未來的另一半是泰國人，組織家庭?李健達:「我都半百，呢啲隨緣」
來源 source: http://nextplus.nextmedia.com
|
鍾意就快D Share啦！
|
|
|
