2010年，韓君婷因為情緒病困擾，決定離開香港，返新加坡跟家人同住，享受難得的家庭樂，但卻又遇上意外，不小心跌崩鼻，事隔數年，她終於可以剖白那幾年的感受。
「其實整傷鼻之後，又整唔番原狀，所以要好多謝之前抑鬱症。嗰段時間睇咗一位醫生，教咗我一個好好嘅方法，就係要懂得放低，但係放低之前，其實要做好多嘢，例如點樣可以做好啲，點樣可以搵到好嘅方法幫自己。因為撞崩鼻之後，期間有三年時間唔敢處理佢，之後至去做矯正手術。」
韓君婷當時站在鏡前，清晰問自己很多問題，然後逐一解答。
「無危害生命？」「仲唞到氣？」「咁樣能唔能夠生活落去？」
答案是，她不能回復97年當選時的樣貌，擺明唔靚，不過對生活沒有影響呀。最後，她決定接受自己，然後將經驗和其他有需要的人分享。
原來，意外後，受傷部位受細菌感染，她問過很多醫生意見，由於缺乏經驗，很多都沒不夠膽替她做整形手術。
「我諗住香港有好多奇難雜症都處理到，所以就決定返嚟香港，都係無整型醫生夠膽處理，既然而家無醫生我整到個鼻，不如就唔好理佢住，因為咁樣會喺心入面形成一種無形壓力。」她說。
尋找醫生，令這幾年累積的經驗，被一間美容院聘請，擔任皮膚顧問，幫有需要的人以淺入深解答問題。
最近一次搭的士，韓君婷表示司機以為她做整容手術失敗，她即時澄清自己是意外，司機知道真相後，隨即大讚她是甜姐兒，就算以前發福，都會自嘲有幽默感。韓君婷表示每天都有不同事情發生，只要記着開心的，每天都是GOOD DAY。
來源 source: http://nextplus.nextmedia.com
|
鍾意就快D Share啦！
|
|
|
