掃呢頁CODE去手機

2019年3月9日 星期六

金燕玲患子宮癌 子宮淋巴盲腸全切除 __,癌,金燕玲,

昨日天氣轉涼,金燕玲除了戴口罩,亦包實圍巾及外套保暖。
金燕玲患子宮癌子宮淋巴盲腸全切除藝人金燕玲於電台節目中大爆患子宮癌,縱然遇到復發機會很高的惡瘤,割去盲腸、淋巴、子宮、卵巢及要接受多次化療,她都於密友 ...


金燕玲患子宮癌 子宮淋巴盲腸全切除

藝人金燕玲於電台節目中大爆患子宮癌,縱然遇到復發機會很高的惡瘤,割去盲腸、淋巴、子宮、卵巢及要接受多次化療,她都於密友蘇施黃陪伴下積極面對,更藉今次經歷呼籲大家定期做檢查,並承諾之後「光頭」都會上節目繼續分享。

64歲的金燕玲昨日上蘇施黃(阿蘇)主持的電台節目,驚爆年初發現患子宮癌,更於大年初五(2月9日)開刀做手術,需要接受六次化療的她,已完成第一次。她於節目開始時坦言是主動上來,直言過年前發生一件事,接着一度哽咽,此時阿蘇即貼心搞氣氛說:「佢睇卡通片都喊,今日更加會喊吓!」金燕玲續表示過年前其女兒Emma從英國返港探望她,兩母女更齊齊去做子宮頸抹片檢查,事後接到護士通知指報告不理想,促她盡快聯絡醫生。

金燕玲現身蘇施黃的電台節目講病情。
  • 金燕玲現身蘇施黃的電台節目講病情。

含淚整妝過新年

今年1月30日,金燕玲約見醫生,醫生指其子宮癌症指數90%有問題,更問她是否忍得痛:「佢話痛幾分鐘,想驗得清楚啲,但真係好痛,痛到不得了,我好辛苦,頂唔到,第二日入院再全身麻醉做,做完等報告。」至2月2日,證實患子宮癌一期,雖然心情囉囉攣,但照樣去染髮、整指甲迎新歲,她說:「我流住眼淚咁染髮,咁都要過年o架,就算病都要個樣好睇啲。」而其情況不能做微創手術,阿蘇接着說:「初時以為個瘤喺子宮頸出面,醫生話原來喺子宮入面。」並指金燕玲知道患癌時表現異常冷靜,金燕玲則說當時問了一位好信任的醫生朋友Dr.Pang的意見:「我個腫瘤係惡性,三年後復發機會好大,個名叫USPC。」她指這種惡性腫瘤,就算只是第一期,醫生亦建議她同時割除盲腸、淋巴、子宮、卵巢及蛛網膜:「亦因個瘤好陰濕,要做化療及電療控制。」

一度瞞住女兒

由於發現患癌時,女兒已返英國,金燕玲亦不敢通知她:「最初除咗阿蘇同關之琳之外冇人知,我最唔想個女知,佢一定會喊,咁我仲擔心,會令我情緒更波動。」而新年期間阿蘇約了朋友去京都,金燕玲叫她按計劃出發,其妹就由台灣返港陪她:「我鍾意阿妹陪我多啲,佢冇咁忟憎,阿蘇都好好,唔好誤會佢,不過妹妹第一次嚟香港逗留咁耐,我哋兩姊妹幾十年嚟第一次傾咁多偈。」

父母同患癌離世

現時接受化療,金燕玲出街都要戴口罩防細菌感染:「我唔可以接觸動物,因為有菌,連小朋友都唔可以見,唔係我唔想出街,係身體太弱,依家可以出,就阿蘇陪我。生病係全家人都要配合,原本大家同房,因為我依家病,佢要瞓廳,我都唔想個女返嚟,因為佢唔可以同房。」她透露完成了第一次化療,下星期要做第二次:「我要確定身體夠強壯,唔夠強就要延期。開刀都復原得七七八八,依家可以開始做伸展動作,但醫生話唔可以運動,怕出汗冷親。我喺屋企行,初初拉筋都拉唔到,因為傷口唔舒服,依家可以拉筋仲可以跳兩步,我同自己講要用正面態度去對待,啲人見到你都唔會咁難受。當初知道自己病,都係渾渾噩噩,會諗係第幾期?係咪會死?」她透露仍有五次化療要做:「三星期一次,個日子好長。我父母都係癌症死,喺醫院幾年,經過好唔舒服日子先過去,佢哋令我知道一樣嘢,我嚟到香港第一樣做嘅就係買醫療保險,我慳乜都好,都要買醫療保險,病時唔需要靠任何人,有乜事發生唔會擔心錢,好在我有做呢樣嘢。我今次好好彩,我個反應係個女點解突然做(檢查),我就一齊做,好似冥冥之中上天畀個機會我、畀時間我。」

原本她今年要到台灣拍電影,現時已取消,她說:「依家都甩晒頭髮,可能下星期剃頭,我心理已準備咗,可以戴假髮同綁頭巾。我同阿蘇講每次化療後我要上嚟(節目)一次同大家講經歷過啲乜。」節目後,戴上口罩的金燕玲離開電台,問她身體狀況時,她未有回答,只笑一笑揮手便登上七人車,由司機接載離開,之後蘇施黃亦驅車尾隨,前後腳返抵清水灣寓所。






鍾意就快D Share啦!