民陣前日再發起反送中遊行，200萬人上街逼爆港島，促請政府撤回惡法，並譴責警方上周三暴力清場。一向少講政治的鄭裕玲（嘟姐）昨日主持商台節目，提起反送中風波時語帶哽咽，嘟姐坦言雖然過去兩星期出埠拍攝，但見到香港有很多心痛的場面，特別是學生及年輕人，她還說：「香港係我哋嘅屋企，屋企係最緊要。」
相關新聞：王喜呼籲登記做選民
鄭裕玲自從《男親女愛》後，已減少在螢光幕上出現，大多都是在大型節目上以司儀身份亮相，還有近年與農夫拍攝綜藝節目。日常最能找到嘟姐芳蹤的地方，就是903的電台節目《口水多過浪花》。嘟姐早前與農夫出埠拍攝，暫別電台節目，昨日她相隔兩周重返電台開咪，節目甫開始嘟姐提起今次反送中風波，她更語帶哽咽，似是感觸落淚。
嘟姐主持電台節目多年間，雖然香港發生過不少大事，但嘟姐甚少就政治事件發表意見。然而昨日於節目一開場，嘟姐即表示：「喺過去兩個星期，我去咗第二度，係為咗拍我一個節目，但係呢……喺當時，我哋收到好多關於香港嘅消息，睇到好多好心痛嘅場面，尤其是我哋香港嘅學生同埋年輕人。」嘟姐說：「呢兩個禮拜其實我哋去咗好多地方，要坐好多車、好多飛機。但係最後嘅一程，就係我哋最盼望嘅一程，因為嗰程係飛返香港，香港係我哋嘅屋企嚟。發生咗好多事，屋企係最緊要……」嘟姐說到這裏開始哽咽：「I’m sorry，可能我老咗，好情緒化。」
| | | |
播歌穩定情緒
嘟姐續說：「我哋要珍惜呢個屋企，尤其係我哋嘅年輕人同埋學生。我好希望香港可以好快回復番平靜，我哋和平相處嘅狀態。《口水多過浪花》係一個娛樂同開心嘅節目，喺一個咁嘅氣氛之下，其實我哋應該發揮我哋自己嘅作用。我相信有好多人有好多嘅情緒，就算係我哋呢兩個禮拜去咗咁遠嘅地方，都好多情緒嘅牽動，我哋可以令到人喺呢個半鐘頭，輕鬆番少少、開心番少少，我就覺得係盡咗自己今日嘅責任。」嘟姐最後播歌穩定情緒，然後再繼續開咪。事後有不少網民安慰嘟姐，着她「唔好喊」，又有人說：「我哋會好好保護自己嘅地方。」
相關新聞：張堅庭阻中港巴漏油危機
| | | |
吳忻熹爭自由
民陣前日再發起反送中遊行，有不少藝人上街參與支持，當中更有不少星級爸爸和媽媽想為下一代爭取民主自由。身為兩女之母的吳忻熹，一連兩個星期日都參加遊行，她前晚深夜在fb分享感受：「今天出來的大部份都是年輕人，我們的政府真的遷怒了這一代的年輕人了！」不過吳忻熹也着年輕人要快回家：「你們還有很漫長的路等着你們去創造呢！不要一時之氣斷送前程啊！」
育有一子一女的前「新聞王子」柳俊江，前日也帶同太太一同參加遊行，他在Ig貼相說：「每次遊行我都自私去，要柳太照顧小朋友。今次柳太話唔去唔得，於是我化身導賞員，照顧遊行初哥柳太。兩點行到九點，終於到政總。終於，和柳太踏上夏愨道天橋。」
撰文：翁可人
|
鍾意就快D Share啦！
|
|
|
