2019年10月25日 星期五

全能司儀大賽撼贏黃子華入行57歲楊瑞麟離無綫 重啟人生 __,無綫,黃子華,

資深藝人楊瑞麟近日離開服務多年的無綫,他表示心態很自在,不需為未來而感到徬徨。
資深藝人楊瑞麟近日離開服務多年的無綫,他表示心態很自在,不需為未來而感到徬徨。【娛樂人物】現年57歲的楊瑞麟在1987年參加《全能司儀選拔大賽》撼贏黃 ...


【娛樂人物】現年57歲的楊瑞麟在1987年參加《全能司儀選拔大賽》撼贏黃子華,奪冠後加入無綫,主持過不少節目,更一度被點名為金牌司儀接班人。在無綫打滾32年的楊瑞麟,近年密密轉型拍劇做演員,但可發揮的角色卻少之又少,上月他突然在毫無先兆下離開無綫,只為了重啟自己的人生。

撰文:唐琛悠

攝影:沈健程

相關新聞:自覺付出難及子華

楊瑞麟日前在尖沙嘴接受《蘋果》訪問,談到人到中年才大膽離巢,他笑說:「其實時間都差唔多,由當年參加司儀比賽到𠵱家,差唔多32年,坦白講我係好鍾意拍劇,但係仲會唔會有呢啲機會,可以拍到一個自己滿意又鍾意嘅角色呢?當呢個角色完咗,又會唔會有其他機會呢?我係一個唔識頴撈嘅人,就算去頴,監製唔會畀啲唔好嘅角色,但亦唔會係滿足過戲癮嘅角色。」



1987年楊瑞麟參加《全能司儀選拔大賽》奪冠入行,同屆還有黃子華。 1987年楊瑞麟參加《全能司儀選拔大賽》奪冠入行,同屆還有黃子華。
當年主持《都市閒情》,楊瑞麟因宗教問題拒絕主持風水環節而被雪藏。

當年主持《都市閒情》,楊瑞麟因宗教問題拒絕主持風水環節而被雪藏。

公司環境變咗

楊瑞麟坦言公司環境轉變,多了限制:「呢幾年做好多網絡上面嘅嘢,好似OTT轉播,呢啲新嘢公司會搵啲後生、當時得令,又配合到產品層面嘅藝人幫手,冇可能搵我哋6、70歲,所以不如停一停。雖然出面環境唔理想,我亦冇期待,但我有個信念,係你就係你。」他坦言離巢不代表與無綫關係中斷:「我同TVB只係暫停關係,難保將來佢會搵我做嘢,公司只要覺得你值,任何嘢都會發生,我唔覺得因為合約會影響最終嘅決定,如果最後公司冇搵咪接受囉。我心態好自在,如果公司覺得我值錢,有角色啱我做,隨時可以搵我。」

相關新聞:【蘋聞重溫】李家聲心淡移民



楊瑞麟近年在《愛.回家》中飾演時生一角,令人印象深刻。劇照

楊瑞麟近年在《愛.回家》中飾演時生一角,令人印象深刻。劇照
楊瑞麟近日參與張兆輝主演的《黃金有罪》剛煞科,成為他在無綫的告別作。微博圖片

楊瑞麟近日參與張兆輝主演的《黃金有罪》剛煞科,成為他在無綫的告別作。微博圖片

曾因宗教問題拒絕主持風水環節而遭雪藏,楊瑞麟近年密密轉型拍劇,他自言愛上演戲,希望可以繼續滿足這興趣︰「有飯食已經好安樂,頭嗰十年覺得做主持OK,久唔久客串拍劇,呢十年間突然好鍾意演藝呢個藝術,體會深咗,原來呢啲先叫做戲,本來係零分,𠵱家40零分,仲有空間進步。」32年的娛圈生涯,楊瑞麟拍了近140套劇集,大多數角色沒有很大發揮空間,會否因未有代表作覺得不完美?他說:「人生有好多唔完美,尤其演藝行業,只有極少嘅人有代表作。對我嚟講,有幾個角色享受到,得到大家認同已經好滿足。其實都要感恩,因為生活仲可以有選擇,呢樣唔係必然,唔係每個人都搵到足夠金錢又可以做想做嘅工作。」



楊瑞麟(右)在劇集中多數演出專業人士。《妙手仁心II》劇照

楊瑞麟(右)在劇集中多數演出專業人士。《妙手仁心II》劇照
楊瑞麟(左)在劇集《大帥哥》中飾演鎮長,曾自爆很開心有觀眾記得他。劇照

楊瑞麟(左)在劇集《大帥哥》中飾演鎮長,曾自爆很開心有觀眾記得他。劇照

會為自己發聲

楊瑞麟更笑指自己不貪心,才決定離巢:「如果擔心冇飯開,我諗唔可以有呢個決定,所謂大樹好遮蔭,唔好講話有冇機會,喺棵樹下個人真係安心,但我選擇脫離現狀,將來唔知會點,客觀睇唔理想,咪即管睇吓點,我同朋友傾偈,了解𠵱家嘅狀態,都知唔會好,但依然有人開劇集,輪唔輪到我,唔講喇,不過我都叻咗,我一向唔鍾意拍膊頭,但我都會話:『明白,如果啱就搵我喇!』」他坦言離巢後要重整自己的人生觀去爭取機會:「以前唔講呢啲勉強可以,因為仲有好多機會。但𠵱家唔講,遲吓就冇機會再講,我行咗出嚟,唔出聲唔會有人知,所以要畀人知道你嘅狀態,我會開放少少,嘗試話畀人知自己係available,我都會喺教會分享自己體驗,做吓義工。工作𠵱家冇諗,但當然希望有機會繼續拍嘢。」

場地提供:鉄板燒海賀(The ONE)




鍾意就快D Share啦!