飲勝！美國流行樂壇女王麥當娜（Madonna）向來言行舉止大膽出位，人唔做佢就做！繼早排佢「推波開聲」之後，又有新搞作，今次更係「飲尿止瘀」！最近忙於 ...
美國流行樂壇女王麥當娜（Madonna）向來言行舉止大膽出位，人唔做佢就做！繼早排佢「推波開聲」之後，又有新搞作，今次更係「飲尿止瘀」！
最近忙於開巡唱嘅娜姐前日喺社交網Instagram公開療傷獨門秘方片段，用浸冰水浴醫瘀傷，佢話：「我哋不如開始冰水浴挑戰？最佳療傷方法。」完成幾分鐘冰浴之後，佢坐喺浴缸邊飲一杯黃色液體，自稱係飲自己嘅尿，佢仲話浸完冰水浴最好就係飲尿，認真重口味！
根據清代中醫學書籍《本草備要》記載的確係有尿療法，健康的尿液滋陰降火、止血消瘀，甚至能醫治多種病症。
