胡杏兒婚紗店「KEVOLIE」舊拍檔兼星級時裝設計師姚子裕（Kev）日前在fb及Ig發長文爆料，指年前曾有藝人向他要求贊助婚禮用的晚裝裙，惟事後當事人竟向傳媒表示「晚裝是自己設計的」，還私下向他人抱怨Kev的設計是垃圾。事件急速發酵，主角呼之欲出就是「苟姑娘」 ，而「垃圾裙」就是苟芸慧去年嫁錫礦後人陸恭和的婚禮上所穿的《美女與野獸》黃色裙，苟姑娘前晚不願回應，只先後貼出海相，暗指：「如果心胸不似海，又怎能有海一樣的事業」，以及貼上搣姪仔面珠照片，還似有所指Hashtag「己所不欲勿施於人」。昨日苟芸慧透過經理人否認對「美女」裙設計不滿，其經理人也表示苟姑娘不是會說「垃圾」評語的人，若然不喜歡設計，已經不會着，希望大家停止揣測。
| | |
「聽到唔開心」
《蘋果》再聯絡到另一主角、即被指是「垃圾裙」的設計師Kev，他全程沒有開名只以「主角」來形容fb所指的人物，問到會否聽到作品成為「垃圾」會好嬲，他說：「任何人聽到都會嬲，任何人聽到心血，同團隊做咗幾十個鐘頭嘅嘢都會嬲，我其實係好冇問題，設計嘅嘢好多時都會有拒絕，都係好正常，如果主角老老實實去講，我係冇問題，但變做我喺人哋耳邊聽到，會有少少唔開心，只係諗喺自己平台發洩吓。」
「試咗三次衫」
問到與「主角」合作時，對方有否表現不合心水，Kev回帶事件經過，表示為這件衫去了三次試身：「同佢試咗三次衫，都有裁縫上晒去改衫，我哋所見佢冇話唔滿意，我哋都放下心頭大石，當初係提議香檳粉紅色，礙於佢哋有一啲環節好需要一條鮮黃色嘅裙，可能喺主角眼中，我未必滿足到佢，空穴來風，未必無因。」會否考慮找當事人傾談，他表示：「如果當事人有意settle，早就settle咗，我哋三次問佢幾時有相，幾時落credit，都係冇回應過。我唔係因為太去執着個credit，問題係作為designer，要保衞，背後話你嘅作品係垃圾，呢啲情況之下都要企出嚟講。」
採訪：嵐山、唐如
|
鍾意就快D Share啦！
|
|
|
