掃呢頁CODE去手機

2020年3月24日 星期二

【頭條獨家】疫境失Job 負擔大慳住使 陳國峰陪妻產檢慳買BB嘢 #陳國峰

疫境失Job,已為人父的陳國峰都好大負擔,加上太太再度懷孕,早前去買BB嘢都慳住使。
【頭條獨家】疫境失Job負擔大慳住使 陳國峰陪妻產檢慳買BB嘢疫境失Job,已為人父的陳國峰都好大負擔,加上太太再度懷孕,早前去買BB嘢都慳住使。疫情 ...




疫境失Job負擔大慳住使 陳國峰陪妻產檢慳買BB嘢疫境失Job,已為人父的陳國峰都好大負擔,加上太太再度懷孕,早前去買BB嘢都慳住使。疫情 ...




【頭條獨家】疫境失Job 負擔大慳住使 陳國峰陪妻產檢慳買BB嘢



疫境失Job,已為人父的陳國峰都好大負擔,加上太太再度懷孕,早前去買BB嘢都慳住使。

疫情嚴重打擊娛樂圈,不少藝人大爆兩個月冇收入,去年底宣佈太太懷第二胎的陳國峰(Penny)亦不例外,面對主要收入截斷、陀B約8個月的陳太又臨盆在即,目前靠積蓄維生的他都大感憂心。上周一(16日),Penny就拖實太太到銅鑼灣一間診所做產檢,隨後到附近商場買BB嘢,其間,見到架心儀的手推車大減價都唔捨得買,最終只買了幾件衫仔便走人,慳得一蚊得一蚊。採訪:李維隆、黎寶倫

陳國峰夫婦見BB衫大減價,當然唔執輸買番幾件
陳國峰夫婦見BB衫大減價,當然唔執輸買番幾件
陳國峰陪太太去診所產檢,全程傍到實。

陳國峰陪太太去診所產檢,全程傍到實。

從無線節目《超級巨聲2》出身的陳國峰於2016年結婚,翌年太太黃思雅(Wing)為他誕下囝囝陳梓燐(Regan),仲成功三年抱兩,去年12月宣佈Wing再陀B仔,預產期為5月中。即將迎來第二個小生命的Penny,家庭經濟壓力自然大大提升,早前他也直言:「要拍多啲劇,接多啲工作,賺多啲錢養家。」無奈,有份主持的長壽節目《兄弟幫》於年頭宣告停播,同時碰上新冠肺炎肆虐,導致幕前工作紛紛延期或取消,收入大跌,搞到Penny都好頭痕!

專攻減價貨

目前懷孕約8個月的Wing快將卸貨,上周一朝早11點半,Penny陪太太去銅鑼灣做產檢。由於疫情漸趨嚴峻,當日夫婦倆均戴晒口罩現身鬧市,身穿粉紅色貼身裙的Wing腹部極其巨大,儼如懷孖胎一樣,二人十指緊扣步進怡和街一棟大廈,並搭Lift到13樓的診所進行檢查,甫入門職員即為他們量體溫,之後便坐在一旁等見醫生。逗留約1小時後,手執奶粉、暖水壺及文件的Penny拖住太太到皇室堡Shopping,兩公婆先到2樓兒童服裝店睇衫仔,其後經過一間意大利嬰兒用品店,見舖頭做緊大減價,二人即駐足在櫥窗前睇BB車,不過問完價錢後,未知是否見折後仍要4,000幾蚊有啲貴,最終都冇入手,反而買咗幾件BB衫。

陳國峰拖實大肚妻落銅鑼灣,蒙住面的二人個口罩仲襯晒色。

陳國峰拖實大肚妻落銅鑼灣,蒙住面的二人個口罩仲襯晒色。
陳國峰本身想幫太太推門,但Wing手快快已經掂咗門柄。

陳國峰本身想幫太太推門,但Wing手快快已經掂咗門柄。

經濟壓力大

事後致電Penny訪問,問到會否擔心出入醫院受感染?打算陪老婆入產房的他說:「因疫情關係,之前醫院唔畀先生去陪產,但上次覆診醫生又話可以嘞,咁我就充滿希望嘅,希望5月個疫情消失得無影無蹤。(為入院做足防疫準備?)戴個標準口罩囉,入產房都要着保護衣同帽,唯有盡量乾淨啲囉。」至於疫情可有影響搵奶粉錢?Penny大呻:「有呀,1月上完郵輪唱歌,2月啲Job已經取消咗,都唔知延後到幾時,本來一個月至少都一、兩單,一單都5位數,但而家停晒,暫時拍緊《踩過界II》,收入一般,都係靠緊積蓄維生,當然再做爸爸都擔心啦,又要係私家醫院生,差不多7至8萬,壓力一定大,但……努力啦,希望疫情快啲好轉。」

全城劈價,難得出街的陳國峰夫婦也順道睇定BB嘢。

全城劈價,難得出街的陳國峰夫婦也順道睇定BB嘢。
陳國峰夫婦似乎對架BB車好感興趣,但最終冇買到!

陳國峰夫婦似乎對架BB車好感興趣,但最終冇買到!
陳國峰夫婦進店後專攻BB衫,為即將出世的細佬添置新裝。

陳國峰夫婦進店後專攻BB衫,為即將出世的細佬添置新裝。
陳國峰與太太黃思雅於2016年結婚,翌年誕下大仔Regan(中)。

陳國峰與太太黃思雅於2016年結婚,翌年誕下大仔Regan(中)。
大仔 Regan即將做哥哥都好開心,仲攬實媽咪個巨肚。

大仔 Regan即將做哥哥都好開心,仲攬實媽咪個巨肚。
抗疫期間,陳國峰趁不用開工仍努力健身。

抗疫期間,陳國峰趁不用開工仍努力健身。
播足10年的《兄弟幫》於今年初結束,有份主持的陳國峰唯有冀望多拍劇和接外快賺奶粉錢……

播足10年的《兄弟幫》於今年初結束,有份主持的陳國峰唯有冀望多拍劇和接外快賺奶粉錢……
惜工作受疫情影響,目前僅為新劇《踩過界II》開工。

惜工作受疫情影響,目前僅為新劇《踩過界II》開工。

鍾意就快D Share啦!