由「Double S」沈殷怡（Shirley Sham）和陳欣妍（Shirley Chan）主持ViuTV真人騷《美女郊遊遊》，以穿三點式行山惹來迴響，成功吸引不少觀眾乖乖留在家中欣賞，近日她們在節目中不斷挑戰難度，繼前晚要在郊外跳潭，昨晚播出的第7集在峽谷大玩飛索，嚇到陳欣妍淚灑當場！
Double S先由西貢碼頭出發，坐船去到橫洲欣賞「海上宮殿」，當日天氣炎熱，沈殷怡以背心上陣，露出小蠻腰，反而陳欣妍依舊是外套加長褲。之後她們去到東龍島玩飛索，向來大膽的沈殷怡順利完成挑戰，不過陳欣妍卻怕得要命，她表示：「我覺得好恐佈，恐佈點係呢個係一個峽谷，我會幻想喺中途跌咗落去，隔離又係海，我最驚嘅嘢集合晒一齊。」
陳欣妍不停示意：「我唔玩，我真係唔玩！」但有工作人員向陳欣妍說：「我知你畏高，但我哋又唔係好關心呢件事，我係理解你畏高，我都好相信，我知你好驚，但我哋關心成件事係你能唔能夠突破到自己。」陳欣妍無言以對，在工作人員鼓勵下，她終於肯扣上安全帶和戴上安全帽，但她反問：「點解日日都要玩呢啲嘢啫？」
穿好裝備的陳欣妍站在崖邊，遲遲不肯踏出第一步，此時，她害怕得淚流滿面，淚珠一直滾下，並且捉住工作人員的腳表示：「我唔得呀，你唔好迫我」之後更喊到鼻涕直流，苦苦哀求：「你畀我上返去如果好似Angry Bird咁彈咗出去咁點算呀？」導演見陳欣妍未能克服自己的心理障礙，只好找來團友阿Dee（何啟華）擔任陳欣妍的替身，代她玩飛索飛過對面，陳欣妍先再次露出笑容，更為阿Dee打氣，至於阿Dee的獎勵就是有得攬沈殷怡。
撰文：黃曉妍
-----------------------------
App內1-Click訂閱《蘋果動新聞》
按此了解更多
來源 source: http://hk.entertainment.appledaily.com
|
鍾意就快D Share啦！
|
|
|
