「從小到大，我都聽媽媽講爸爸對佢點樣唔好，所以我一直都唔相信愛情可以天長地久。」
「一段感情要好好去保溫，好多朋友錯過咗一段感情，以為可以搵得返，其實係再搵唔到。」
「失去愛情嘅人，未來應該更加勇敢去面對、勇敢去愛，有正能量才有好收穫。」
——溫碧霞的愛情語錄
53歲凍齡女神溫碧霞（Irene），跟商人老公何祖光度過了20年夫妻的生活，3年前兩夫婦爆分居，幸最後攜手走過婚變危機。被封性感女神的她，魅力不但迷倒老公，裙下之臣更是男女通殺。日前Irene在灣仔接受《蘋果》專訪，首度披露那些年曾譜SheShe戀。
「我其實細個有鍾意過女仔，真係有試過，係一次囉，人與人之間，無論男仔同女仔嘅愛，其實係好容易產生，雖然唔係異性，但溝通得好好，覺得同佢一齊好舒服好開心，以前細個同嗰個女仔煲電話粥，真係鍾意同佢喺埋一齊嘅感覺。」唯一一次的同性之愛，發生在Irene入行之後，對方身份是否圈中人，她守口如瓶：「唔講得，總之係一個回憶，我一啲都唔抗拒人哋同性戀，感情當你有feeling控制唔到，分手係因為我真係鍾意男仔，只不過同嗰個女仔kick到，好啱feel，可能佢又好鍾意我，嗰下感覺嚟。」
在新戲《墮落花》中，Irene和陳漢娜（Hanna）都有一段SheShe戀的咀戲，「現實中錫女仔同戲中錫女仔感覺其實差唔多，女仔係溫柔啲，同男仔唔一樣，但我都係鍾意男仔。可能自己第一次拍女仔同女仔kiss，有少少怕醜，但大家演嘅時候好投入，好舒服」。
Irene更憑《 墮落花 》榮膺愛爾蘭絲綢之路國際電影節最佳女主角，首封影后，「呢個角色係有突破，演一個有毒癮嘅女人，之前我做好多資料搜集，因為角色吸嘅係冰毒，吸咗有好大反差，一係變得好down，一係覺得世界好靚，有好多幻覺，我收到故事大綱好鍾意，呢種角色一直夢寐以求，好想演一個有毒癮嘅女仔，因為同我反差好大，記得有場講我去到好激烈要啪針，嗰個鏡頭最難拍，要我反眼，自己都有飲少少酒幫助，拍戲時為角色減5磅，希望自己盡量似角色。冇得靚，有場戲我啪針，睇到鏡頭我都驚，自己反眼嘅鏡頭，都幾恐怖」。
入行多年首度封后，有人認為終於可以洗脫花瓶之名，但Irene卻從來冇覺得自己是花瓶，「第一部戲提名最有前途新人獎，同好多優秀導演合作，關錦鵬、張之亮，望返轉頭自己有好多經典角色，覺得自己辛苦冇白費，自己真係好努力去演。好開心可以接到呢個角色，做演員好被動，每次都係人哋搵我，覺得溫碧霞可以做呢個角色，喺我手上嘅機會，我會努力做好。自己一直對演戲好有信心，因為由15歲開始拍戲咁多年，有好多經驗，每次拍戲都學到好多嘢，進步緊，而家更加成熟，比以前更加有磨練。」
在電影上努力外，26年沒出廣東歌的Irene，決定為疫情再度走入錄音室，灌錄廣東新歌《Make You Smile》，希望為大家帶來陽光及開心笑容。
撰文：余燕儀
攝影：林賓尼
攝錄：廖達燊
髮型：Ken Ng
化妝：Khaki Yan
-----------------------------
App內1-Click訂閱《蘋果動新聞》
按此了解更多
來源 source: http://hk.appledaily.com
|
鍾意就快D Share啦！
|
|
|
