《國安法》殺到埋身，今日有消息指北京將會盡地一煲，於下周四表決，有機會繞過立法會審議，公佈「港版國安法」議程。由於《國安法》比起當年提出的23條立法建議，當中涉及的範圍更廣闊及內容更辛辣，因此令不少人擔心一旦在香港立法，將會後患無窮。
其中一直敢言的杜汶澤，原定在11月舉行「香港企硬」6場talk show，而屆時talk show內容很大機會會涉及政治和社會議題，如今《國安法》隨時在香港立法，無可避免衝擊talk show內容，甚至能否開騷亦存疑。對此，杜汶澤在facebook以黑底白字留言說：「各位買咗飛嘅朋友，如果國安法實施後我俾人拉咗，我係絕對唔會退飛，大家保留門票，我坐完出嚟再開。不過騷名可能會改為Shut Up Hong Kong，敬請原諒。」同時，他還以藍底白字，並以英文及簡體字寫上「我愛中國」。之後，阿澤再留言說：「好奇問下啫：點解大家咁灰咁驚訝？咁請問大家過去嗰一年，面對緊嘅係咩嚟㗎？期望敵人仁慈，究竟係咩心態？攬炒，唔通只係口號？原來你當玩㗎？又等選舉呀？」又指周圍叫人delete post的人，比藍屍更垃圾。
至於不時表達訴求和意見的黃耀明，亦有就國安法在facebook表態。他留言說：「歷史會記住誰出賣了香港人，誰蔑視人權與普世價值！！」而邵仲衡則抱樂觀態度說：「馬照跑，嘢照炒，雷聲大定啲嚟！」
另一方面，今日很多人在Google無法搜尋有關「黃色」或「黃色經濟圈」字眼，有多位藝人亦有在facebook發聲，表示在留言和上載圖片時均告失敗，其中身在台灣工作的黃秋生說：「What the hell happened with you fb? Don't let it happen again! 」藝人阮民安則語帶嘲諷說：「真的，我就是辣媽的愛我的早國！測試，呢個出唔出到！」而前港姐譚小環老公渣哥，亦說：「Testing試到第3次得咗！」藝人梁芷珊就點了一首自己填詞、由Sammi主唱的舊歌《宿命主義》勉勵自己說：「無呀，試吓呢個post又出唔出到之嘛。想點隻歌，自己作品，宿命主義。我想講，我同歌詞裡面所描繪嘅唔同，我真係好硬頸，寧願咩都唔要，唔會遷就任何人，尤其是而家呢個人生階段。宿命，ok，但做人唔可以退縮。」
-----------------------------
App內1-Click訂閱《蘋果動新聞》
來源 source: http://hk.appledaily.com
|
鍾意就快D Share啦！
|
|
|
