熱爆娛樂: 【拍拖3年各有各偷食】朱智賢姣攻「大隻仔」黃庭鋒謝東閔暗撻湯洛雯 #朱智賢 #湯洛雯 #謝東閔 #黃庭鋒

2020年5月2日星期六

【拍拖3年各有各偷食】朱智賢姣攻「大隻仔」黃庭鋒謝東閔暗撻湯洛雯 #朱智賢 #湯洛雯 #謝東閔 #黃庭鋒

【拍拖3年各有各偷食】朱智賢姣攻「大隻仔」黃庭鋒謝東閔暗撻湯洛雯
1小時前

人夫黎振燁日前被踢爆背大肚老婆偷食「新一代姣精」朱智賢。事後朱智賢搵埋男友謝東閔開記招，喊住話自己「經驗淺，難抽離」。另一邊廂，被封「賤男」的黎振燁又拖大肚老婆遊街，上演大龍鳳。當大家以為謝東閔係受害者嘅時候，今日又有消息指原來他也有唔少女友，過去曾瞞女友兩次偷食，當中包括2011年中國小姐曾淑雅Jumbo，又同湯洛雯有過一段情。不過，據知，朱智賢也並非第一次「難抽離」。18年，拍攝劇集《救妻同學會》期間，朱智賢試過背謝東閔主動出撃，力溝「大隻仔」黃庭鋒。姣精遇渣男，關係七國咁亂！

朱智賢跟謝東閔拍拖三年，在「偷食西餅」事件中，一直扮演「暖男」的謝東閔，昨日被踢爆原來跟朱智賢拍拖未幾，同時撻著2011 年中國小姐冠軍曾淑雅，不過因跟朱智賢正值熱戀，所以好快斬䌫。

18年，謝東閔又有新目標，據知拍攝劇集《丫鬟大聯盟》時，又遇上同劇的「靚湯」湯洛雯。當時「靚湯」跟羅天宇分手，芳心寂寞向對手主動出擊，最後成功迷倒謝東閔。有指當時朱智賢亦曾察覺男友「劈腿」，試過向好友訴苦。

男友偷食，朱智賢亦不愁寂寞。同年，朱智賢拍攝《救妻同學會》期間，曾經向同劇演員黃庭鋒主動出擊。在劇中飾演「賤佬」的黃庭鋒，不單大隻靚仔，原來更識四種語言，是中大體系碩士。眼見朱智賢背謝東閔溝仔，當時不少劇組同事都睇唔過眼，暗中封她做「姣精」。

拍拖三年，一直各自各精彩！難怪「偷食西餅」事件發生後，謝東閔都話自己「有責任」喇！