王君馨希望佢哋五個可以聚一聚。
藝人苟芸慧向來鍾意整意甜品，早前仲專登去上堂深造，一手甜品功夫拍得住出面街買到嘅質素。聽日就係好姊妹王君馨嘅34歲生日，苟芸慧趁呢個機會大展廚藝，親手整咗個朱古力蛋糕，個面仲唧滿忌廉花，唔講真係以為係某某餅店出品，王君馨收到呢個蛋糕非常滿意，仲大讚好靚！
王君馨喺社交網上載慶生嘅相片，當年由五人組成的「處女黨」其中李亞男同苟芸慧都有出席，佢哋齊齊嘴嘟嘟錫壽星女，不過就未見鍾嘉欣同岑麗香，佢留言話除咗開心有蛋糕同花之外，呢十年嚟最感恩係收到一班好姊妹嘅友誼同愛護，仲話希望佢哋五個人可以盡快見面聚一聚。
來源 source: http://hk.on.cc
|
鍾意就快D Share啦！
|
|
|
