- 【老婆歐陽巧瑩陪捱窮】一年12,000元收入 林師傑狠飛無綫：萬二分感激
- 3小時前
前港姐歐陽巧瑩今年3月約滿無綫後即走，事隔幾個月，今次到老公接力，「木偶哥」林師傑今日在個人IG中出post，正式宣佈與無綫及星夢解約，兩公婆果然同聲同氣！木偶哥仲踢爆，話無綫要求同佢轉簽六騷合約，如果他肯聽話轉簽，就包保佢會有12,000元收入，聽住，講的不是月薪，是一年收入。
- 今年三月，歐陽巧瑩在個人IG宣布與合作七年的無綫滿約。
- 林師傑今日在個人IG中出post，踢爆無綫要求與他轉簽六騷合約，如果他肯聽話轉簽，就包保佢會有12,000元收入。
- 歐陽巧瑩與林師傑經常周遊列國。
- 林師傑今日在個人IG中出post，正式宣佈與無綫及星夢解約。
一個月屋租都唔夠
無綫出手認真闊綽，一年12,000元收入咁嘅條件都可以開得出口，難怪木偶哥接受訪問時笑言，一年保證有12,000元收入，連一個月租屋錢都不夠，今年32歲的他已婚有老婆要養，實在受唔起無綫呢份恩賜喎！飛起無綫，木偶哥決定做獨立歌手，感激老婆對自己的決定很支持，又不介意一起捱窮，齊上齊落。
老婆出post寸爆無綫
老公出post後，歐陽巧瑩亦於IG中出post寸爆無綫：「由我離開TVB至今，無論私下定公開，一句不是都冇講過，因為我真係唔想再同佢有關係。但今日我想講一句，多謝放生我老公。請收返起你哋嘅恩賜，我哋會過得好好！」除此外，她還留言說：「解脫，我地一齊去打工吧！」
靠木偶哥響朵
西班牙出世的林師傑於2009年參加第一屆《超級巨聲》入行，曾與同屆的許廷鏗、劉威煌、陳鴻碩合組「Super 4」推出過歌曲。12年，林師傑於處境劇《愛·回家》飾演「木偶哥」才開始有人識。- 林師傑憑《愛回家》中「木偶哥」一角受外界留意。
- 林師傑曾與同屆的許廷鏗、劉威煌、陳鴻碩合組「Super 4」推出過歌曲，可惜外界反應一般。
- 林師傑於2009年參加第一屆《超級巨聲》入行，不知不覺已19年。
- 入行十一年的林師傑，有一班忠實粉絲支持。
- 早前播映的《十八年後的終極告白》，林師傑是主角之一，發揮亦不錯。
----------------------------
全新「和你撐計劃」 專享獨家禮遇 實際行動支持
按此了解更多
----------------------------
壹呼百應 號召有心人 請香港人睇壹週刊
按此了解更多
-----------------------------
【昔日紙本檔案庫】
30年壹仔經典 壹壹重現！
來源 source: http://nextplus.nextmedia.com
|
鍾意就快D Share啦！
|
|
|
