「索」，對於每個人嘅定義都唔一樣，尤其係大陸人。
大陸最近發起了一個名為「票選香港最索4字頭女星」，話就話選40歲以上女星，但離奇在37歲的蔡卓妍及李佳芯、38歲的薛凱琪亦同樣入圍。夠離奇未？喺呢個無奇不有嘅強國當然未，皆因公佈結果後就會發現，現時喺大陸極紅的佘詩曼都只係得到第5位嘅時候，楊卓娜就幾乎以多出阿佘一半的票數勝出，咁嘅結果，相信連冇份入圍嘅楊怡都未必估得到。
今次呢個「票選香港最索4字頭女星」由大陸網民發起，由776人投票選出14位香港最索女星，先唔計未夠40歲都可以入圍嘅蔡卓妍、李佳芯及薛凱琪，但4字頭的黎姿、陳慧琳、楊怡等就通通冇份，張栢芝亦只能以29票掹車邊姿態排第14，輸畀有30票的薛凱琪、32票的蔡卓妍及33票的周勵淇。而排名前10名的女星名單亦非常令人「喜出望外」，分別有郭羨妮、呂慧儀、唐寧、滕麗名及楊思琦等。憑大陸宮鬥劇《延禧攻略》爆紅的阿佘雖然入圍，但卻只有62票排第5，輸畀陳煒、李佳芯之餘，更輸埋畀得到93票的姚嘉妮及以111票成為冠軍的楊卓娜，結果唔止令好多人大跌眼鏡，就連得到第1位嘅楊卓娜亦覺得驚喜，在微博中留言：「謝謝大家的支持！難以置信的票選結果！」
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|
