現年35歲的翟威廉，05年參加亞視舉辦的《亞洲先生》獲亞軍，相隔五年再於無綫舉辦的《香港先生》成為八料冠軍。不過，銜頭多對他在娛樂圈發展似乎沒甚幫助，加上無綫捧人一向講多過做，他雖然參與拍攝的劇集有數十部，但幾乎全部做閒角，完全沒有發揮機會，就像近日播出的《那些我愛過的人》，他飾演黃翠如老公，只在交待他撞車死的劇情出現，少一點眼力都好難發現他的存在。
有讀者向《蘋果》報料，指翟威廉最近頻頻在佐敦一間賣酒的舖頭出現，有時深夜都會見到他，又會在鄰近一間前身為貓酒店的空置舖位出入。《蘋果》從其他人口中得悉，指本來以協助形式和哥哥、莊端兒合作做清酒及小食生意的翟威廉，欲把副業逐漸變為正職，所以由本來佔小份的投資，「瞓身」加大了投資額，寄望在這方面有新發展，舖亦由紅磡搬到了佐敦，但為了節省開支，他連租屋錢都要慳，大部份時間都在店留宿，故深夜才會見到他出沒。有認識翟威廉的人透露：「有聽過威廉會同其他藝人一齊夾份做生意，具體做乜唔係好清楚，但知道佢係做帶頭角色，因為佢哥哥對做生意比較有經驗，希望可以幫大家一齊搵出路。」
據知，翟威廉本來去年約滿無綫欲離巢，但撞正社會運動，明知回復自由身亦難有其他發展，故最後還是續了約，但對公司亦沒抱太大期望，哥哥及媽咪亦好支持他做生意，至於讀者發現他出入的空置店舖，有指是翟威廉一位朋友以低於市價租給他，還會待他正式開業才起租，認真唔話得。
翟威廉對於做生意自救一事，接受傳媒查詢時沒有否認，只說：「樣樣試吓啦，試多啲嘢係好嘅！」至於是否會和其他藝人合作做生意？翟威廉承認有這個想法，但煞有介事不肯透露有誰參與：「定晒先啦，大家都係試吓，而家都係籌備緊，好多嘢都未知，都係會賣吓嘢，不過我打理清酒店都忙，都要諗吓點樣搞。」
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|
