2020年6月27日星期六

黃昏跑步自拍流汗風姿苟芸慧驚變蛇精女 #苟芸慧

黃昏跑步自拍流汗風姿苟芸慧驚變蛇精女

拍攝角度的重要性，其實苟姑娘有無睇過段片先上載呢?額高下巴尖勁趕客。

36歲嘅苟芸慧，自2018年嫁畀陸漢洋後樂做少奶奶，只間中出席公開活動。而一向醉心整甜品嘅佢，舊年就報讀咗一個法式甜品課程，當時佢就話：「從早到晚嘅法式甜品課程令我過得好充實，期待明年畢業後可以給愛的人做甜點。」

話咁快為期10個月嘅課程已完結，苟姑娘話因為法國啲考官飛唔到嚟香港，所以未考到試，但會Keep住好勤力咁練習。練習得多，製成品自然多，估計苟姑娘都肥咗唔少，所以運動唔少得。

尋晚佢就去咗跑步，仲由戴錶開始拍片，拍住自己上樓梯同流晒汗嘅風姿，佢話「喜歡在黃昏時候去散步熱身，等到星星月亮出來的時候就開始跑上斜坡，樓梯～一邊運動一邊浪漫 🌹 出汗的感覺真好。」唔知黃昏跑步有幾浪漫，但就知道苟姑娘拍片拍到自己成個蛇精女咁，額又高下巴又尖，其實都幾嚇人。