2020年6月24日星期三

【畀個叻自己】變身疫境廚神李司棋自製冇得輸韓國年糕湯麵 #李司棋

【畀個叻自己】變身疫境廚神李司棋自製冇得輸韓國年糕湯麵

司棋姐親自炮製韓國年糕湯麵，有埋片教授㗎！

喺疫境下唔少人變身廚神，現年69歲，半退休狀態嘅李司棋都唔例外。呢期冇乜特別嘢做，都係吃喝玩樂嘅司棋姐，得閒就喺IG分享吓生活點滴，昨晚就化身廚神，自家研製韓國年糕湯麵。見她隨意落湯料，由賣相唔多靚仔嘅配搭，整到有板有眼，司棋姐仲形容係色香味俱全添！

她滿足的跟本報說：「味道好好，相當好食，但會肥死，因為喺外面吃完，回家回味無窮，決定自己方法試做，太好味，叻，仲可以放少少鹹魚碎、帶子，貴妃蚌，隨自己喜好。」

她發文寫埋心得：「自家研製韓國年糕麵湯，蔥薑蒜，櫻花蝦爆香，馬上落蝦乾，蜆肉，安格斯肥牛肉，再落一包意粉醬，再落一些調味料，像大地魚粉，加滾水，落年糕，即食麵，完成時，放入兩湯匙Kimchi。泡菜是發酵物，若一起煑會變酸，要加糖調味，也破壞營養，後放更好。想吃辣一點，放些辣油或XO醬。」唔少網民畀Like，要求要一碗⋯⋯又話餓了！聞到好香。