馬國明和湯洛雯公開認愛成為全城熱話，不少網民及藝人都留言恭喜，馬明今晨如常返將軍澳電視城開工，一講起靚湯即嘴角含春忍不住笑意。
馬明今日接受傳媒訪問，談到公開認愛的相片中，「獨角獸」蹺實「小馬」狀甚甜蜜，他說：「呢個佢（靚湯）整嘅，佢好鍾意獨角獸，小馬我諗大家都明啦，但張相影咗好耐嘅，我哋之前有共識，幾時俾人影到就幾時講啦，所以我哋都好隨緣。」
做足準備工夫，「馬湯戀」是否已經發展了一段時間？馬明笑言係最近嘅事，兩人合作完《心理追兇Mind Hunter》後，並無過多聯絡，直至最近馬明表示︰「傾下傾下好似幾啱傾喎，可以發展吓。」
難怪馬明對新聞表現淡定，他指：「無啦啦自己講就好奇怪，好似做新聞咁，我哋都有共識。我哋都冇避忌，喺公司成日食飯，大家都開緊工，但係隔離廠，如果心水清都會奇怪點解我掉低我劇組嘅人，佢又掉低佢劇組嘅人，然後兩個人食飯，之前冇乜人問咪繼續囉，從來都冇避忌。」
馬明續說：「而家大家覺得幾啱發展，所以有共識，如果大家唔明確時，梗係唔會有呢個共識，大家係時候隨時講得，我年紀都唔細，我從來唔會呃大家，睇下幾時到嗰個位就會講。」問到是否已見雙方家長？馬明坦白表示：「我見過佢爹哋媽咪，佢亦見過我爸爸媽媽，食過飯。（媽咪滿意靚湯？）佢都幾鍾意佢（靚湯）。」
馬明做完訪問後，便和岑麗香、吳岱融等演員出發到元朗拍攝新劇，其間吳岱融將合照貼上社交網，只見蜜運中的馬明在高溫下依然春風滿面。
-----------------------------
打國際線 《蘋果》英文版免費試睇按此了解更多
英文版已登錄新版《蘋果》App按此下載/更新
來源 source: http://hk.appledaily.com
|
鍾意就快D Share啦！
|
|
|
