兩姊妹都好索！32歲藝人湯怡一向形象健康，呢日佢喺社交網上載同家姐Natalie做瑜伽相片，相中可見，兩姊妹樣貌有幾分相似，尤其是對眼，佢哋着上姊妹運 ...
32歲藝人湯怡一向形象健康，呢日佢喺社交網上載同家姐Natalie做瑜伽相片，相中可見，兩姊妹樣貌有幾分相似，尤其是對眼，佢哋着上姊妹運動裝，一藍一白Sports bra，襯到絕！湯怡仲大爆家姐同佢南轅北轍，Natalie甚少做運動，同埋佢已婚仲生咗兩個仔，但身材都可以維持咁Fit，搞到湯怡都要畀個服字佢！
家姐Natalie比湯怡大5年，係一名美容店店主，不時喺社交網分享囝囝日常生活及夫妻樂，有水着相又有同老公嘅出浴照，大晒美好身段，保養得宜，點睇都唔似兩子之母！難怪湯怡都話：「我家姐都算係黐線㗎喇！」
