胡爸爸09年出售物業套現3億
大台近年出現不少富貴女，繼「無綫御用癲婆」趙希洛被揭有個在澳洲經營石油生意的有米老竇；袁偉豪女友張寶兒，老竇單在禮頓山已擁數億物業。同樣是出身選美，曾參加2017年香港小姐，憑《三日兩夜》彈出，現年26歲的胡美貽，原來也是有米女。新加坡出世，曾在香港住過的胡美貽在美國成長，爸爸營商在不同地方都擁有物業，媽媽則任職醫生。
據知，胡美貽爸爸本在港擁有不少物業，但09年開始，陸續將位於銅鑼灣、紅磡等物業出售，套現約數億元，故胡美貽前年決定由美國返港參選港姐，也一直租屋住。
「佢爸爸好想嗰女留喺美國，仲話根本冇諗過佢會返香港生活，如果唔係都唔會賣晒啲樓。不過，Nicole(胡美貽)返香港前，佢老竇畀咗幾百萬做生活費。仲話一次過畀一筆，之後唔會再支助佢。好似佢咁有個咁富有嘅老竇，就算人工奀，都可以慢慢等機會。」胡美貽身邊人說。事實，遺傳老竇DNA，有生意頭腦的胡美貽，雖然有錢在手，做藝人之餘，她也繼續發揮強項，憑15年在洛杉磯開食肆的賺錢經驗，她來港後便搵舖開榴槤店，現在有三間分店，包括香港、三藩巿和澳門，去年食肆更入圍2019年米芝蓮指南小食推介。
「Nicole老竇當年畀咗100萬佢喺美國創業，佢開咗兩間食肆，賣奶茶同滷水食物，最初開門做生意，佢嗰兩年日日喺舖頭睇實，都賺咗百幾萬，不過返到香港，佢覺得賣滷水食物好大競爭，所以轉賣榴槤，開咗三個月就回本，佢早排仲同朋友夾份喺馬來西亞買地種榴槤，諗住大做。」加州大學歐文分校商業經濟學畢業的胡美貽，跟朋友合共投資700萬在馬來西亞的彭亨州買了30畝地種榴槤，因為有拍檔睇實，加上要返電視台開工，她甚少出現舖頭招呼顧客。
扮死屍拍《法證4》
喜歡演戲，胡美貽早前在《法證先鋒4》扮死屍，瞓在解剖床做戲，凍到全身打震。不過肯捱肯搏，因而備受監製賞識，最近又再有機會跟譚俊彥合作新劇。「其實佢老竇唔係咁鍾意Nicole做娛樂圈，一來離開自己咁遠，二來老人家比較保守，尤其是要喺節目著泳衣同埋扮死屍，梗係唔係咁接受到，所以Nicole媽咪會簛選過先畀佢睇。Nicole笑話老竇好想佢搞唔掂，用晒啲錢然後要乖乖返美國。」身邊朋友說。
不過以胡美貽的剋苦精神，又希望在香港紥根發展事業，相信暫未能未如胡爸爸所願。
有米女逐個數
要數同樣有個富爸爸，浸了相當日子而終於彈出的，相信最具鼓勵性是趙希洛，07年憑參選香港小姐入娛圈的她，雖然有個在澳洲經營石油生意的富爸爸，又有資深藝人媽媽梁小玲，不過在英國讀法商科的趙希洛，在娛樂圈發展，一直未得屋企人支持。不過住在爸爸半山梅道豪宅業，又有司機管接送的她，因為有樓收租，令她可以在沒有經濟壓力下做演員。去年她終獲「最佳女配角」，在頒獎台上，趙希洛激動感激父母。同有個富爸爸的黃翠如，在娛圈17年，由有線電視擔任旅遊節目主持轉做大台一姐，父親黃永華也由魚檔老闆升級為上巿公司聯旺集團(8217)行政總裁，不過黃翠如從不炫富，冇物業兼開舊車，生活十分慳家。另一位大台有米女，是14年亞軍王卓淇，爸爸是護膚品生產商，在東莞區有個逾50萬呎廠房，規模十分大，她也手持大角咀一號銀海及廣州白雲區600萬物業。近日，王卓淇在劇集《那些我愛過的人》扮演遇意外而變成傷殘的可鄰女，演技受網民大讚。另外，袁偉豪女友張寶兒，也有個有米爸爸，在禮頓山已擁數億物業，名副其實千金女，早前她又和男友合資購入6500萬物業，打算作為婚後愛巢。- 黃翠如婚後更加用心演戲，被指在新劇有表現。
- 張寶兒跟袁偉豪聯名買樓，之後傳出婚訊。
- 趙希洛被讚演技愈來愈好，去年終獲《最佳女配角》。
- 王卓淇最近在社交平台PO的大部份靚相，大騷白滑長腿。
ChannelNEXT人民學堂：識法大講堂
曾志豪X劉偉聰 同你拆解「港版国安法」
立即收看
----------------------------
全新「和你撐計劃」 專享獨家禮遇 實際行動支持按此了解更多
壹呼百應 號召有心人 請香港人睇壹週刊按此了解更多
-----------------------------
【昔日紙本檔案庫】
30年壹仔經典 壹壹重現！
來源 source: http://nextplus.nextmedia.com
|
鍾意就快D Share啦！
|
|
|
