放下心頭大石。
歌手施匡翹爆出確診新冠肺炎，戴祖儀早前同佢一齊上過戲劇班，困喺室內長時間接觸感染機會大大增加，戴祖儀坦言心情複雜好擔心仲即刻去咗醫院做測試，啱啱份報告終於出嚟，佢喺社交網公開結果，好彩係陰性！
戴祖儀留言：「感恩🙏🏻今日經過了人生最無助，最慌亂的一天。感激各界的幫助，家人朋友以及很多人的關心同慰問。我會繼續保持警惕❤️原來病毒距離自己真係可以好近，當真係發生嘅時候，原來真係好驚。真係好感恩好感恩好感恩🙏🏻因為工作關係，呢幾日真係接觸咗好多人，所以post出嚟等大家安心一點🙏🏻我明白報告出咗，都唔等於100%冇事，我都會繼續在家隔離。」
蘇慧恩取消兩星期工作以策萬全
而歌手蘇慧恩曾與確診的宣傳人員一同工作，佢嘅深喉檢測亦有咗結果，知道呈陰性後佢即報平安：「好好彩冇事，我尋日係同嗰個宣傳同事傾得最多偈，但好彩冇事，可能平時食得supplement多，不過尋日開會啲band都喺度，有個鼓手要留低照X光，我就唔使。」她又謂14日內的所有工作及會議將會取消，會留家自我隔離，除了下周四會留家做個網上直播。
來源 source: http://hk.on.cc
|
鍾意就快D Share啦！
|
|
|
