大台的藝人買少見少，據知范振鋒今日也跟大台完約，結束近10年的賓主關係，大台近年為慳皮要續約藝人簽一騷，這個待遇很難令人接受，阿范也決定離開。其實阿范早於1994年和2002年都先後透過唱片公司與大台簽歌手合約，兩張合約都是幾年完約冇再簽，阿范兩出後再重返大台改簽藝員合約，也獲得主持不少綜藝節目，當中《夜宵磨》和《兄弟幫》都受歡迎，可是大台受到業績欠佳影響，今年1月3日播出《兄弟幫》第2505集後便停播，大台再未有開新節目給阿范，相信都感無癮，加上「一騷制」，外闖博殺絕對是出路。
阿范今日也在IG公佈了離巢消息，他留言：「唔經唔覺今次簽約近10年了！感激多謝TVB各位同事、管理層、畀個機會及合作過的監製！希望將來有機會再合作！江湖見！」回復自由身的阿范，早為自己作了打算，他今日接受《蘋果》訪問時說：「我會繼續喺新城開咪，遲啲仲會多啲digital嘢，都有其他電視台搵我合作，我手頭又會做兩部電影監製，都好感恩。」問到阿范會偏重幕前還是幕後發展？他說：「幕後都做咗好耐，幕前有適合的都做。」阿范表示在大台的十年時光，最開心主持了《夜宵磨》和《兄弟幫》兩個節目，即使結束賓主關係，但日後可以換個形式再合作。過去多個月的疫情，阿范未能出埠工作，收入損失近7位數字。
阿范老婆李思欣早於2014年5月已嫌人工奀離開工作多年的大台，當年阿范十分支持，輪到老公決定離巢，思欣今日在電話中回應：「心靈同行動上都支持佢，過去曾有其他電視台想傾我哋夫妻檔，當時我自由身，佢仲有約，而家我哋一齊自由身可以傾番。」思欣笑言樂做老公的「免佣」經理人。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於《蘋果日報》你的優惠網上獨家發售！
來源 source: http://hk.appledaily.com
|
鍾意就快D Share啦！
|
|
|
