胸大嘅煩惱唔係個個明白。
「35E咪神」白雲每次出現均因身材成為焦點，雖然自己從不介意性感，惟往往遭身邊朋友嫌棄，認為胸大等同核突，並下令她切勿太暴露，令其無奈非常。
於今年年頭離開效力8年娘家無綫的白雲，原定滿腦子計劃，先到北京拍劇，暑假接拍內地真人騷，奈何一個新冠肺炎令所有事情叫停，令白雲意料不及，不過性格樂觀的她，認為上天自有安排，失掉工作機會卻換來家中添了一位「新成員」，現時每日照顧牠已填滿時間，暫且把所有煩惱事拋諸腦後。
因疫情關係被打亂所有計劃，起初白雲也無從入手，但冷靜過後便慢慢接受，她說：「本來3月去北京見劇組搞直播，7月接咗真人騷，個騷依家取消咗，北京劇組易埋角，唔緊要，正面睇會畀番啲嘢你，就係緣分令我養多咗隻狗，呢半年嚟，佢每個表情我都冇漏，雖然係零收入，靠住積畜生活，但算叫做頂得住。」
自言性格有主見，很難遷就別人，故現時嘗試自己處理工作，包括約見客戶、斟洽酬勞一腳踢，但笑言絕對是個新嘗試，對於內地疫情已受控，白雲也想重新展開工作Mode，準備出發北京碰機會：「內地市場好大，好在以前啲同學會幫我，我亦有親戚喺上面，預計留半年，總之一有工作就即刻走，隔離完正式出關，同埋北京都有演藝課程，到時賺到錢就報讀演藝課程，我隨時起行，狗狗有屋企人睇住，唔太擔心。」
談到其35E身材一直成為焦點，奈何對於演出，某程度上也會有障礙，白雲對此直認不諱，坦言曾有人批她這副身材演不到女主角：「有導演講過演路人甲都難，因為身材問題，但我自己唔認同，現實係咩身材嘅人都有，否則胡杏兒都唔會曾經為角色增肥（出街唔刻意性感？）以前朋友叫唔好着緊身衫食飯，因為唔想畀人望，佢哋仲有惡意眼神，我會唔開心，以前中學都冇除過冷衫，仲話啲女仔個胸去到D同E級係好核突，臀部大又好核突（諗過紮胸？）唔會，對身體唔好，我喺屋企從來唔戴，着晚裝同沙灘裙都唔戴。」更指試過乘搭交通工具期間被人摸臀部，當時忍不住開聲罵對方，惟反被同行家人責怪，令其感無助。
來源 source: http://hk.on.cc
|
鍾意就快D Share啦！
|
|
|
