生日快樂～
女星張栢芝尋日（29日）傳出佗第4胎，而咁啱尋日亦係謝霆鋒40歲生日，踏入不惑之年！霆鋒拍咗條片多謝大家祝福：「謝謝你們，這個生日很開心。但希望大家不要破費，有餘力可以捐給其他需要幫助的人。」而月初佢曾透露菜園被冰雹吹毀，大陸男星王俊凱就留言話：「謝總生日快樂，祝菜園子無堅不摧。」霆鋒就感謝番對方！
雖然生日，但原來佢尋日要拍攝《中國好聲音》，不過節目組好識做為佢送上驚喜準備咗蛋糕，而場外盲有海量玫瑰花砌咗「霆鋒 生日快樂（結他）」字眼，壽星仔一面幸福笑晒口又有啲怕醜咁！
仲有逾50粉絲拉橫額到賀，霆鋒更現身同佢哋合照，親民冇架子，不過全部人都冇戴口罩！網民都留言祝福佢生日快樂，大讚佢雖然已經40歲，但仲係咁Chok咁型仔呀！
來源 source: http://hk.on.cc
|
鍾意就快D Share啦！
|
|
|
