撰文：海月｜圖片來源：ViuTV
【初度遊】A0港男首度遊日狂失禮！住青年旅舍爆喊：慘過住劏房！ 網民：點樣可以搵到呢D咁騎尼嘅人
ViuTV最近新推出真人騷《初度遊》，節目找來三位從未試過自己去旅行的素人，獻出他們第一次搞笑的旅行經歷，當中大部分旅遊行程都由嘉賓決定。最新一集就由30歲任職中學助教的Tony，隻身首次前往日本大阪旅行，雖然Tony為今次首度遊日行程做足功課，不過行程中仍有不少驚喜及意外。
Tony初次遊日，因為不懂日文所以在跟日本人溝通及乘坐複雜地鐵時有點手足無措，行程中多次出現意外，幾經波折終於抵達大阪「黑門市場」享受新鮮魚生美食。之後在好奇驅使下，Tony更首度試食港日大熱的「梳乎里班戟」，不過Tony並不知道班戟上的是牛油，更以為是雪糕結果一整舊放入口：「哇！牛油嚟嘅？！」，不少網民留言「下？佢真心？」。
Tony隨後到訪日本採耳店，再次因為言語不通在少女店員前大失禮，不但將臉中向店員兩腿之間，更將「Oiishi」（好味）當成「Kimochii」（好舒服～）講出口。不過雖然一輪「雞同鴨講」，不過Tony最後仍能躺在日本技師的大腿上享受採耳和按摩，更表示「第一次跟女性咁近距離接觸」，令網民大叫「好毒」、「佢啲反應真係A0嚟㗎喎」。
之後Tony意猶未盡，首次來到日本更決定前往「女僕Cafe」，感受當地獨特女僕文化。雖然一開始Tony表明「不會戴上貓耳朵頭飾」，最終還是不敵女僕的可愛攻勢，乖乖戴上貓耳朵頭飾，更直言「從未試過那麼興奮！」。之後女僕台上演出時眼神、反應經已完全沉醉其中，有網民表示「點解真係可以咁毒？到底呢30年嚟佢係咪真係無見過女仔咁？，最後Tony在不熟悉女僕Cafe的規矩下，更跟女僕作出身體接觸。
當Tony到達京都後，最先做的事情就是試穿日本和服，身穿和服後Tony更到處集郵，跟穿著和服的日本女生合照，非常興𡚒滿足！甚至興奮到突然對鏡頭說「要日本女生向我下跪！」，在女僕Cafe及京都的行程，雖然Tony盡顯A0爆笑舉動，不過也因不少失禮行為而引來網民反感，更批評Tony不專重女性。而Tony在節目中，亦不時提到「自己喺網上去旅行」，不過似乎Tony不太明白何謂「現實與理想」。當Toony去到嵐山竹林小徑後，發現人頭湧湧，即時表現得十分不滿「我上網睇相係無人㗎嘛，而家咁我點感受竹林嘅寧靜」。
不過最讓網民熱話的，就是當Tony入住富有日本當地色彩的傳統民宿，攝製隊見似乎很喜歡當地不同住宿，為了讓Tony嘗試不同的住宿體驗，即時替他訂了一晚青年旅舍。不過當TonyCheck in入房後，發現只得一張床時，認為青年旅舍跟想像中有很大出入，根本就是劏房情緒突然崩潰爆喊「呢到好似香港嘅劏房，唔係劏房呀，係劏床！點解同之前住嘅民宿唔同嘅？」
情緒越來越失控的Tony更委屈痛哭表示「我覺得自己好淒涼……第一次去旅行，周圍的人都很冷漠，個個都係到訓哂覺。我很擔心自己的安全，真係唔知會係到遇到咩人」。「同我諗嘅民宿唔同，你當我低能，好老實咁講，我好渺小，我只不過係灰塵……」最後因為Tony的情緒實在太差，所以攝製隊便決定終止當天的拍攝，有網民笑言「衰過港女，一個大男人未見過世面咁嘅樣，其實幾好笑」、「一個大男人住青年旅社都喊，聽日返工係咪會俾同事笑死」。
【美食不似預期？定你異於常人咋？】去日本真係好難搵到劣食？佢話去親都中伏喎！你哋覺得呢？不如大家推介返畀佢！😚#初度遊—網絡平台 : viu.tvIG: viutvYouTube: http://bit.ly/2a8lbLuApp:IOS-https://apple.co/2NJo9IwAndriod – http://bit.ly/2LCVG9U
Posted byViuTVon Monday, July 13, 2020
【佢真係毒，唔係扮㗎喎】毒嚟講，真係可以一眼睇穿係偽毒定真毒?你哋話佢係真定假呢?今晚再捭多啲線索🧐#初度遊—網絡平台 : viu.tvIG: viutvYouTube: http://bit.ly/2a8lbLuApp:IOS-https://apple.co/2NJo9IwAndriod – http://bit.ly/2LCVG9U
Posted byViuTVon Wednesday, July 22, 2020
|
鍾意就快D Share啦！
|
|
|
