2020年8月11日星期二

新劇拍到虛脫都Keep住笑　唐詩詠：我真係拍得幾開心 #唐詩詠

新劇拍到虛脫都Keep住笑　唐詩詠：我真係拍得幾開心

詩詠好享受拍攝新劇《超能使者》的過程。

有乜開心得過同一班老友嘻嘻哈哈一齊開工？由唐詩詠、陳展鵬、陳山聰、林子善及劉穎鏇等主演、文偉鴻監製的新劇《超能使者》自5月開拍以來，眾演員不時於社交網晒開心合照，子善表示整個團隊都好團結，山聰亦坦言好享受今次拍攝過程。唐詩詠昨日也於社交網貼出花絮照，並留言：「髮型姐姐問我：『你拍呢套劇係咪拍得好開心？見你日日返工個樣都係笑嘅，唔係真係大笑，係內心發出來嗰種喎』諗一諗，成日係三十幾度高溫下拍攝，曬到變咗舊碳，拍到個人虛脫咁滯，然後返到廠拍，又凍到好似係雪地咁，又暖包又羽絨，但每日都係好想返工，我諗，我真係拍得幾開心 #超能使者 #呢班兄弟姊妹好正 #NT」不過拍攝即將來到尾聲，相信一班台前幕後都好唔捨得。