武漢肺炎在香港一直未減退，限聚令仍然實施中，尹光、呂珊、Joe Junior和威利等十多位歌手今日在觀塘為抗疫歌曲《向世界歌唱》，76歲的尹光率先錄音，他知道這疫情對長者威脅較大，他說：「我特登叫佢哋安排我第一個錄，我驚死呀，70幾歲係長者，第一個唱穩陣啲。」而他表示平時勤洗手保持清潔，在錄音室以外便戴口罩：「公司係每個歌手唱完就消毒一次錄音室。」今次每人唱一句，15鐘內完成。因疫情問題，尹光取消了兩次音樂會，直言收入大減9成半，他說：「差不多冇收過，得兩個廣告，better than nothing。」
不過原來今次呂珊是被搶頭位，她表示知道：「光哥話做嘢所以讓佢先，不過佢都乾淨嘅，跟之後都穩陣。」現時在網上有開Live演出，但疫情影響沒工作，她覺得現時健康最重要，她說：「而家唔係搵錢嘅時間，最緊要健康，我之前每星期網上直播，呢個時候發放正能量回饋歌迷，越做越有使命感。」
而74歲Joe Junior在疫情期間愛上行山，吸收新鮮空氣順便練氣，他笑言：「我行到好似烏龜咁慢，行山可以練埋丹田，上到高地方仲可以練埋聲。行山會見到好多人，佢哋會叫影合照，又問我《4個小生去旅行》新聞係咪假。」而他覺得疫情下特別要注重健康，笑稱自己是太太的大BB，也常陪太太做運動。
另外，威利自言疫情影響手停口停，由去年8月開始到現時仍沒工作，他說：「真係唔知去邊度拎啲救濟金，投訴無門。點解人哋國家有啲乜措施，但香港有啲棘手。而家食老本，暫時可以維持，政府顧及好多層面，但點解顧唔到我哋呢個層面，我哋呢個界別好多人，但唔會個個開咪講好慘好苦。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：
iOS/Android
來源 source: http://hk.appledaily.com
|
鍾意就快D Share啦！
|
|
|
