【新增回應】
繼候選港姐麥詩晴（Ceci）被爆父親任職警察後，另一20歲候選佳麗賴琦媛（Ivy），又被「豬隊友」連累，揭露父親任職警察，相信賴琦媛真係多得這位「豬隊友」唔少。
近日港姐進行網上直播拉票，一位名叫Lily Idol Chan的網民在「向香港警察致敬」facebook貼了一班候選港姐照片，以紅色圈圈住賴琦媛並寫道：「今年港姐原來有個警察女兒參選，希望佢勝出，Ivy是十歲見到大的世姪女，今天十分難得的（藍色心心圖案）青年人，大家多支持、鼓勵，甚至提點幫她改變，做得更好。可入到十強便月發展機會了，所以一天一票非常重要，可能的話而大家又有心，請向朋友同事們推介。仲有一個警察女兒（麥詩晴），爸爸係士沙。」
該位網民Lily一心想為世姪女向藍絲拉票，但克警過去一年形象跌至谷底，Lily今次無意中向全世界公開賴琦媛是警二代身份，無疑是送她一程，成為網民狙擊對象。雖然Lily已將此post刪走，但早被其他網民發現並轉發：「做人請勿太on X，現實身邊總會有大量豬隊友。#篤灰#黑警二代」。 有網民留言表示：「 去參加得嘅都唔會係黃啦」、「估到啦，無人參加，唯一方法叫啲cctvb嘅員工嘅女，或叫朋友啲女參加。唔係邊個啋佢。」、 「曾志偉同譚詠倫（麟）等緊」、 「放心啦，全部都係小圈子選舉嚟嘅」、 「乜...原來香港有選美會㗎？」、「哦...藍天使」、「以前嘅香港小姐係神話。而家嘅香港小姐只係笑話。」、「而家梗係睇ATV小姐（亞姐）啦」，更有網民估計賴琦媛與麥詩晴兩位「警二代」分分鐘是今年港姐內定三甲。
其實賴琦媛參選以來是非多多，被網民爆黑歷史，指她由細到大都貪慕虛榮，拜金想結識富二代，愛到深圳夜蒲結識內地富家子弟，又爆她整容削骨，把圓臉變V煞臉，及將單眼皮變雙眼皮；而有傳媒更拍得賴琦媛是煙民，有晚於電視城收工後獲一名中年男子駕駛60萬Benz接放工，期間賴琦媛與男子在車上煲煙，煲完後隨手將煙蒂掉出窗外，認真有欠公德心。
今次候選港姐中，廖慧儀（Jessica）大隻男友Sam其實也曾任職警察，但傘運後Sam對警隊極度失望，所以最終選擇離開警隊，被網民大讚有良心。
對於有親友網上拉票，無意中揭露父親做警察，賴琦媛今日出席港姐宣傳活動時表示：「好多謝支持我哋嘅人幫我哋拉票，至於屋企人係咪警察呢，我自己屋企就冇人從事警察，但可能有親朋戚友係，我都好多謝佢哋嘅支持，同埋幫我哋拉票。」
問賴琦媛可擔心因傳言而被網民狙擊？她表示：「我覺得做好自己，大家會見到我哋有進步嘅話，都會支持我哋，我相信佢哋會見到更好嘅我哋，支持真正嘅我哋。」至於同樣被指是警二代的麥詩晴就未有否認父親是警察，她說：「相比起屋企人，歷屆港姐可能都一啲相關屋企人都係從事呢啲職業，我覺得最緊要都係自己表現狀態最好，做好自己，盡咗力，就覺得好足夠。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：
iOS/Android
來源 source: http://hk.appledaily.com
|
鍾意就快D Share啦！
|
|
|
