- 【港姐騷睇到眼火爆】司儀問題令佳麗難堪 阮兆輝兒子阮德鏘：好似夜總會搞花臣
- 3小時前
《香港小姐競選2020》昨晚三甲出爐，呢份所謂的「筍工」最後由8號冠軍謝嘉怡（Lisa），亞軍2號陳楨怡（Celina）及季軍4號郭柏妍（Rosita）奪得，而冠軍謝嘉怡（Lisa）更係雙料，攞埋最上鏡小姐。
一如過往港姐選舉，才藝表演、泳裝及問答環節等繼續出現，不過，粵劇名伶阮兆輝及尹飛燕兒子、曾是大台藝員的阮德鏘（Johnson），似乎昨晚睇到眼火爆，完騷後已忍不住在其社交平台發文，指今屆港姐「唔掂」、「以為係學生作品」。
指問題人身攻擊
今日Johnson接受《壹》仔訪問，再次狠批整個選美過程有如「夜總會搞花臣」，他說:「以往咁多屆港姐，都唔會窮一生精力令人難堪，班司儀係咁問人有無男朋友、幾時初吻，不如話如果要拎冠軍，要同邊個高層共渡一晚，呢啲唔係表現佢有幾聰明，而係擺明質死佢。」Johnson又指讀出網民問題，指3號何盈珊是「Miss Ball」，「呢啲係人身攻擊，無可能話觀眾意見就照單全收，唔通觀眾講粗口你都照出，你要過濾，係呢件事上面我係嬲嘅」。
- 阮德鏘昨晚觀看港姐直播時，已忍不住在社交平台撰文鬧爆。
- 阮德鏘指無論是佳麗或是司儀，走位都出現混亂。
批佳麗步姿雄糾糾
Johnson指除了Do姐外，其他司儀說話有懶音，走位亦錯漏百出:「以往就算司儀講完稿，都要保持儀態離開，尋晚陸浩同麥美欣，直頭呆咗咁唔知去邊，見到Do姐都辛苦，好似單天保至尊，得佢真係做過大騷。」Johnson又懷念前香港小姐副統籌經理、有「港姐之母」之稱的已故陳紫蓮Rosa姐。「以前佢在生的話，肯定唔會出現呢啲場面，班佳麗雄糾糾咁行出嚟，成個kingkong咁樣，行到去先擺返隻蘭花手出嚟。」阮德鏘說。
大讚佈景及舞蹈員
昨晚除了四位司儀，大會又特別安排十多名「後生仔」與佳麗同場，與一眾佳麗chitchat，他說:「好似喺廟街聊女仔。」不過Johonson亦大讚佈景及一眾舞蹈員，「個景做得好details，班dancers更加知道晒攝影機走位，配合得好好。」
04年離巢的Johnson，曾演出不少大台劇，6月更曾上「流行經典50年」，被問到會否擔心被大台會「方丈」，Johnson坦言無懼，「我都係想TVB好，恨鐵不成鋼。」他又指當年離開大台是充滿抑鬱:「點解我咁多工作量都要炒我，不過當出去遊歷過之後，咪又係得啖笑，魚唔過塘邊肥。」相信今晚他在自己的社交平台的開live節目《娛樂大叔》，跟拍擋大頭導演，繼續點評港姐騷。 ----------------------------
守住新聞自由 和你撐計劃每月$300起撐《壹》仔
按此了解更多
壹呼百應 號召有心人 請香港人睇壹週刊
按此了解更多
-----------------------------
【昔日紙本檔案庫】
30年壹仔經典 壹壹重現！
來源 source: http://nextplus.nextmedia.com
|
鍾意就快D Share啦！
|
|
|
