去年憑飾演過最多藝人阿媽入紙申請「健力士世界紀錄」的盧宛茵（Madam Lo），入行50年曾經飾演過70多位男藝人的母親角色，近日再於新劇《過街英雄》飾演森美的搞笑媽咪元麗芸，現年67歲的Madam Lo日前接受《1圈圈星光背後》錄音訪問，分享自己早婚、離婚及身為2子1女母親的責任。
演過無數媽咪角色，Madam Lo透露自己最愛處境劇《卡拉屋企》「肥媽」一角，因為拍攝過程和鄭敬基、李婉華等相處最融洽愉快。而最難忘則是一次飾演演李國麟母親演屍體，她說：「哈哈！那次只是客串，但最辛苦要忍笑，李國麟都幾十歲，我只係大佢幾年，要佢撲埋嚟攬住我叫『阿媽！阿媽！』當時唔郁得又要忍笑，真係頂唔順！」
Madam Lo於1973年20歲考入藝員訓練班，同年憑《朱門怨》的二少奶角色爆紅，並於1975年22歲的Madam Lo嫁前夫、香港第一代新聞主播何鉅華，婚後育有2子1女。談到當年早婚，Madam Lo說：「冇人勸過我應唔應該咁早嫁，我嘅年代，好多同學都16、17歲已經結婚，當時我成廿歲，反而覺得遲。」Madam Lo過去曾於訪問中亦透露，沒有後悔早婚，如沒有婚姻現在便不能享受兒孫福。
Madam Lo婚後相夫教子，直至1987年復出，對於1988年離婚因由，她坦言：「當時感覺好難相處，有好多忍受唔到嘅問題，我覺得人生點解要咁辛苦？傳統女人會死忍難忍，但我嘅脾氣問題係唔會忍，我認為一世人流流長，好惡頂，咁就算數啦，唔想自己辛苦。」
Madam Lo離婚後一直供養子女直至外國大學畢業，完成責任後感覺如釋重擔，對於有否想過再找人生另一半？Madam Lo說：「與人相處要夾好困難，倒不如一個人自由自在。約會冇就呃你，但已經係好耐之前嘅事，仔女冇任何意見，我畀仔女好大自由度，佢哋亦畀我好大自由。」Madam Lo思想開明，坦言與兩媳婦相處沒有問題，她說：「我當新抱係朋友，最重要係唔好囉唆，我會喺facebook讚美佢哋廚藝好，話想一齊食，佢哋會好開心邀請我。」演戲近半世紀，Madam Lo坦言沒想過退休，她說：「一個人無所事事對住四面牆游手好閒會很悶，我鍾意工作，又愛演戲，有戲可演得一集戲都冇問題。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
