傅穎今日到佐敦拍廣告，獲安排戴上逾30萬的金飾拍攝。傅穎表示對上一次在香港拍廣告已是去年1月，在武漢肺炎疫情下仍有廣告商邀請感覺難得：「酬勞好滿意，有6位數字。」問她平時有否買金保值？傅穎說：「細個已經覺得買金最保值，不過我唔識投資金，以前賺錢最多都係食嘢，而家識咗呢度個老闆，可以有優惠價買。」
問她媽媽有否為她買金作嫁妝？傅穎笑謂：「媽咪同家姐都有買金畀我，第時我結婚就拎出嚟，平時畀家用媽咪，佢都唔捨得使，我諗佢都會用嚟買金。」下周二（22日）是她36歲生日，傅穎表示會在家中與家人打邊爐慶祝：「限聚令都有影響，朋友要2個或者4個咁約，可能要分多幾次食，要食好多蛋糕，我都叫佢哋唔好買。」
傅穎已單身3年多，問她有無追求者相約慶祝？她笑指由於疫情關係，少了追求者：「少咗出去識新朋友嘛，不過今次拍完呢個廣告，點燃起我潛藏喺心底嘅恨嫁的心，都會幻想結婚嗰陣戴住啲靚靚金飾。」記者笑言將來老公是否要把一箱箱金放在她面前？傅穎笑言：「都唔排除，咁樣都幾難忘，不過我揀男朋友就冇標準，最緊要係三觀一致。就算佢拎唔到，我都可以出嘅。」如果找到合適對象，自己貼嫁妝都可以？傅穎即賣口乖指她現在認識了金飾批發老闆，應該有優惠。另外，她透露將為新歌拍攝MV，正物色小鮮肉做男主角。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
