開心就係最好嘅良藥。
演員艾威、太太Lisa及林熹瞳（Rachel）到沙田出席《復能叢書》醫學座談交流會，Lisa分享早前醫治子宮纖維瘤的經歷，艾威認為世界潮流是盡量少用藥：「好似演戲同做人咁，都係愈簡單愈好。周潤發喺第八期訓練班同我哋上咗一堂，佢喺黑板畫咗個大圓圈，話做戲兜個大圈就返去起步點，當時我資質愚鈍，唔知佢講咩，依家3、40年後先知佢講咩，最後係做番自己。」Rachel坦言曾跟焦媛學戲，對方亦說過類似說話：「佢話演戲最高境界就係唔記得晒啲台詞。」
至於Lisa的健康如何？她表示已康復八、九成：「同心情有關，亦同復能嘅概念好相似，我隻狗成日令我好開心。」問到艾威有否氹太太？他笑說：「隻狗氹多啲！」Lisa指愛犬會時常像看不到艾威，會兜過他抱住自己，非常搞笑！
工作方面，Rachel透露正為ViuTV新處境喜劇寫劇本，自己會扮演臥底，艾威就飾演大反派，更有劉美君參演。Rachel自爆早前寫劇本寫到咳血，要吃止血丸和抗生素，之後更入了醫院打針：「我個肺有事，之前感冒太耐，一有感染就會好嚴重，唔食得刺激性嘅嘢。醫生話冇得醫，但一樣會咁長壽！」
來源 source: http://hk.on.cc
|
鍾意就快D Share啦！
|
|
|
