在香港為小朋友報讀一間好學校屬人生大事，吳日言（Yan）今日在IG貼文，自爆竟然忘記為女兒報讀心儀幼稚園，錯過了報名日子，Yan因此自責懶惰，感到非常內疚
Yan在IG貼文自責：「作為一位媽咪，幫小朋友報讀學校係我嘅責任，因為自己懶惰關係，明日復明日，結果想報嘅幼稚園已經截止報名。我真係內疚到爆，加上知道其他學校收生額比例嚴重不足，上年六千人爭百幾個學位，真係黐黐哋線。而且我填報名表嘅時候發現自己應該好低分，冇受洗、家屬唔係舊生、冇人事關係。點算呀！講真，報幼稚園真係好似大抽獎。個個小朋友喺屋企樣樣都識答，但係面試嘅時候可能一句都唔答，睇Bea自己造化」對於Yan的自責，不少網民隨即與她分享經驗及報以安慰。
Yan今日接受《蘋果日報》電話訪問，她表示女兒Bea現時足兩歲，於明年9月適齡入學，原定近日要為女兒報讀心儀幼稚園，但昨日才驚覺已經截止報名，她說：「一直知道係今個月報名，但自己今個月舖頭好忙，下月會開多兩間，上個月疫情好影響舖頭生意，要去唔同區做團購，好多嘢要處理，忙咗成個9月，真係唔記得咗報名，噚日老公上網睇先至醒起，發現17號已經截咗止。」Yan透露，因為女兒11月出世屬細b，最壞打算會留待明年再報讀心儀學校，她說：「囡囡個人比較慢熱，識講嘢但唔活潑，希望佢嚟緊面試嘅時候有好表現。」
武漢肺炎疫情影響各行各業，但吳日言投資的飯糰店就逆巿擴充，於下月再開兩間，分別在牛頭角的商廈及香港大學，合計原先銅鑼灣、旺角、觀塘及暫時停業的山頂店，擴充至6間分店，Yan笑言：「自己都覺得好勇，希望博到一個機會，而家租金確實回落，只係用過去嘅3成租金已經租到新舖，而家唔博幾時博。同埋發現自運動後，旺區已經冇得發展，而家會揀選民生區。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
