2020年9月19日星期六

自製彩虹潮式月餅顯功架　孫慧雪網上開班教整甜品 #孫慧雪

自製彩虹潮式月餅顯功架　孫慧雪網上開班教整甜品

阿雪抗疫期間升呢「烘焙達人」。

抗疫期間不少人都升呢「烘焙達人」，已為人母的孫慧雪（阿雪）都唔例外，仲不時於社交網晒製成品，又於Facebook、YouTube拍片教大家整甜品。適逢中秋節就到，繼月初分享「紫薯水晶月餅」教學後，阿雪今日凌晨又於IG貼出親手做的潮式月餅—－「彩虹芋頭蛋黃酥」照，見片中的她搓麵團搓得有板有眼，難怪阿雪都決定開個「雪之甜蜜網上烹飪班」授徒，學費港幣500幾蚊有禮物拎，仲可以學齊彩虹芋頭蛋黃酥、水信玄餅、雪崩流心蛋糕、布丁燒、雪媚娘、Tiramisu、Brownie，共7款甜品，認真抵玩！阿雪仲自信滿滿笑稱：「下年直接賣月餅算開咩班啫？#大言不慚系列」