明嘅…明嘅…
「大小姐」林淑敏與「送水輝」許家傑於處境劇《愛·回家之開心速遞》內情侶形象深受觀眾歡迎，而戲外兩人也感情要好，近日一而再被拍到約會，日前還孖住為同劇的鄭世豪慶祝生日，許家傑更陪住林淑敏睇衫，全程連體嬰般。
今日三人同為《愛》劇開工，對於被指以情侶姿態為鄭世豪慶生，林淑敏表示禁聚令影響下，所有社交活動也有變化：「唔可以再一大班人，變咗4個以內，我哋成班感情真係好好，嗰日買衫係因為第二日出席活動着，個客要求紫色衫，所以食飯前好急咁兜咗個圈。（老公知唔知你哋『約會』？」佢知我哋食飯，同埋尋晚一齊睇個報道，仲話點解我同佢出去又冇畀人影。」
許家傑表示生日飯本身有「細龍太」陳偉琪，後來因對方有工作而甩底，更說：「依家3個人食飯，變咗2對1，其實我哋係有份情，不過係親情嗰隻。（使唔使同女友交代？）感情事我就唔講太多喇！」
而被指為林淑敏及許家傑作掩護的鄭世豪就笑說：「我係『襯』住佢哋幫我搞生日，真係好開心，好多謝佢哋。」
來源 source: http://hk.on.cc
|
鍾意就快D Share啦！
|
|
|
