武漢肺炎疫情持續大半年，在限聚令措施下，娛樂事業大受影響，音樂會不是延期便是停辦，而昨晚在旺角麥花臣球場，終於成功舉辦了一場音樂會，音樂會集合了36位新晉音樂人創作歌曲，並由陳柏宇、ERROR、泳兒、MIRROR和陳潔靈等12位歌手演繹。
於限聚令下，音樂會只能夠開放一半入座率，是次派出800張門票，每兩個人隔一個吉位，觀眾進場前必須量度體溫及用搓手液洗手，而大會亦有派發口罩及搓手液。活動甫開始，製作人及眾演出者近70人齊集於台上，眾人戴上口罩影合照，重現久違了的音樂會盛況。歌手獻唱時則沒戴口罩，打頭陣ERROR唱歌後立即戴回口罩才離台。而全晚演唱會觀眾並沒有減退熱情，不時向偶像歡呼。
已有半年沒公開演出的陳柏宇，演出後接受訪問時，坦言收入因疫情大受影響，但仍輕鬆說：「差不多乞食咁滯，而家都慳咗，有啲電子產品、高爾夫球用品都冇買，但唔會慳個女用嘅，只係自己少買嘢，而家都盡量少使錢，經歴過疫情知影響會好大，要積穀防饑。」他透露近日2歲女兒玩耍時撞崩牙齒，而自己讀中學時，亦試過唱卡拉OK搶咪時撞崩牙，他說：「冇睇醫生，但問咗醫生意見，佢冇痛又冇唔食嘢，應該冇事，大啲換牙，而家咁樣幾型。」他指不會刻意緊張監視女兒玩耍，要讓小孩自己摸索。
同樣久沒演出的泳兒表示興奮，但就坦言會做足安全措施，助手在台邊準備口罩，而大會表示會消毒歌手的咪，所以泳兒沒帶私家咪演出。今日（16日）是她生日，亦會在工作中度過：「有朋友好秘密送咗蛋糕同一晚酒店住宿畀我，最初以為男友，後尾先知係一個新加坡女性好友，問完男友反而有啲嬲嬲地。」另外，離開英皇唱片的鍾舒漫與妹妹鍾舒褀一起演出，鍾舒漫太耐沒演出感緊張，妹妹更緊張得要預早排舞，鍾舒漫說：「一上台氣氛好好就冇事，希望疫情快啲過，呢次係最後一波。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
