女人真係唔惹得...
藝人葉璇早前加入「直播帶貨」兵團，成功賺到第一桶金成為「帶貨女王」，近日佢再現身內地網絡直播節目《奮鬥吧主播》，與內地歌手何潔、王琳等人帶貨，惟有網友爆料指節目錄製期間，葉璇與何潔竟突然大打出手。有自稱係節目現場觀眾嘅網友，聲稱當時一眾主持揀選負責介紹嘅產品，期間葉璇同何潔因為爭奪同一款產品而「開火」，該網友更指葉璇「直接一拳就把何潔給惹了」。
消息隨即引起網友熱議，有網民指葉璇與何潔以往亦曾結怨，當年何潔與老公離婚時，葉璇曾於社交網發文暗指離婚女方亦有責任，間接力撐男方，疑有暗寸何潔之嫌。而翻查節目直播片段，二人同場有講有笑，又一同跳舞唱歌，期間講到某人氣產品時，一眾主持雖曾爭奪起來，但只係開玩笑形式嘅肢體接觸，而大家亦表現興奮，未見不悅。
葉璇接受東網訪問，佢話一切只係節目宣傳，問到怕唔怕影響聲譽，會唔會提告？佢話：「不會。我沒有那麼無聊。對不實的消息，不理會就行了。（你話係節目組嘅宣傳手法，會唔會向節目組抗議？）沒有，可以理解節目組的出發點。（你同何潔關係如何？以前有過節？）我們是同組的選手呀，以前不認識，是第一次見。」
----------------------------------------
「繽FUN星網」誠招各類有趣短片！
家有可愛貓狗，想同更多嘅人分享？
有橋有料，素人想一片成名？
立即寄片嚟： bunfun@on.cc
來源 source: http://hk.on.cc
|
鍾意就快D Share啦！
|
|
|
