武漢肺炎第四波疫情殺到，今日再錄得81宗確診，當中歌舞群組再多59宗，累計達至311人，由於歌舞群組不少人去過另外7個場地，再多7個場所的訪客須強制檢測。
疫情來勢洶洶，近日成為最大傳播鏈的歌舞群組急速擴散，今日東華三院舉行《歡樂滿東華2020》記招。在此時舉行籌款騷會否覺得高危，會否擔心身邊的朋友曾去跳舞，東華三院主席文頴怡說：「我冇咩朋友係跳舞，我同所有人一樣，希望做好保護自己嘅防疫準備，聽政府呼籲，盡量保障自己同身邊人嘅安全。」
第二副主席、大生銀行後人馬清揚被問到今年會否覺得籌款比較困難，馬清揚坦言：「難度實有，疫情影響到大家嘅心情，大家未必咁慷慨，不過我哋都盡力做好啲，希望大家都出錢出力。」談及《歡樂滿東華2020》很多人參與，會否擔心傳播風險，馬清揚表示：「防疫措施做得好足，TVB有消毒嗰啲機，大家又戴口罩，應該都有信心。」
近日爆出「歌舞群組」，馬清揚指太太錢慧儀不喜歡跳舞，所以應該沒事，他續道：「大家都要小心，因為呢排啲疫情好犀利，12月疫苗都會出嚟，希望到時會好啲。」
被問蕭正楠上周三拍飲食節目，因曾接觸確診者，被衛生署列為緊密接觸者，已被送到隔離中心接受強制檢疫，令到大家都擔心搞到台慶200多藝人要檢測。監製何小慧解釋：「其實蕭正楠嗰個問題，我哋都要不停製作內容，當然唔希望有事發生，盡量做好防疫準備，今次開記者會都減少人數，本來仲多人，我哋都減少咗，唔影大合照，又分批上台，始終都有好多嘢要做，譬如拍劇同綜藝，籌備各方面，入嚟嘅人都要探熱，登記晒啲名，唔希望喺度食嘢，保持社交距離。」
何小慧又指蕭正楠本來獲安排參加東華籌款：「蕭正楠都諗唔到去拍嘢會有事，其實佢冇感染，佢都係陰性，不過安全地政府需要佢去隔離，佢都同我哋講未必參加到，因為唔知政府會幾時放佢，仲有一樣嘢，放咗佢之後，大家會覺得佢係唔係『中招』，佢都會有少少壓力，我哋平常心盡力做好我哋應該要做。」
講到《歡樂滿東華2020》當日活動安排，何小慧指要因應疫情最新情況決定：「所有幕前係一定要戴口罩，不論錄影都要咁樣，但係唔係一定唔戴，我哋未決定，譬如唱歌或者打功夫，佢哋可能會唞唔到氣，都要再諗，因為表演要用把聲，舉個例盡量安排台上唔戴，下台可能要即刻戴口罩，呢啲都要檢視。」
此外，陳曉華之前在台慶抽中38萬現金戶口，她笑言未拿到38萬，但是我已經花費很多錢，她續道：「其實冇咩用喺家人身上，因為最近一直好忙，反而買咗好多下午茶，又買咗幾百個Cupcake，請台前幕後同事一齊食嘢，每一層每一層去派，家人就冇特別要求，不過會請佢哋食大餐。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
