本港武漢肺炎疫情繼續惡化，昨日公佈全港最大傳播鏈的「跳舞群組」已有133人染疫，超越103人的酒吧及樂隊群組，64歲的林建岳前妻謝玲玲亦染疫，更傳出謝玲玲在病毒潛伏期間曾參與雀局，同桌三位雀友，包括合和胡應湘太太胡郭秀萍，遠東發展邱達昌太太吳惠平，以及高盛一名女銀行家顧浩明（Helena Koo）。
謝玲玲昨日發聲明承認確診武漢肺炎，目前留在醫院接受治療，她今日回覆《蘋果》身體狀況：「我今日情形都幾好，瞓覺瞓得幾好，暫時都冇症狀，啱啱同醫生傾過，佢話我咁嘅情況觀察多兩日，睇吓使唔使用藥，有啲唔用藥都好番，我嘅情形佢哋就唔想喺呢個時候用藥，而家暫時OK，照咗肺好clear。」
謝玲玲提到首日獲安排一人隔離病房，觀察過後，再轉到一間二人病房，與一名類似症狀的確診者同房，她表示入院以來接受過照肺、抽血、深喉檢測、驗唾液、鼻組織等檢查：「醫護人員照顧好好，瞓到同食嘢都有胃口，而家盡量食多啲嘢，以前都唔係咁鍾意食水果，而家都食，我有個好好朋友，住喺醫院附近，日日都送啲嘢嚟食，真係好感恩身邊好多好朋友，食嘢胃口好好，肥啲唔緊要，最緊要將自己身體抵抗力強咗先，希望過幾日病情唔好惡化，如果一路咁樣就唔使用藥，如果有變化先用藥。」問到仔女今日檢測結果，她表示全部陰性。
此外，衞生防護中心晚上將「跳舞群組」改名為「歌舞群組」，總患者由132改至133人。繼早前14間舞廳的訪客須強制檢測，再多7間舞廳納入強制檢測名單，包括近期多人曾除罩身貼身跳扭腰舞的美孚君好宴會廳。衞生防護中心傳染病處主任張竹君昨午在記者會上透露，跳舞群組不少患者在潛伏期曾打牌：「唔止一單有打麻雀嘅，所以我唔知你講緊邊度，我唔講晒因為太多，好多係話佢哋喺潛伏期有打過麻雀，或者有啲喺傳染期打過麻雀。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
