影帝太保有份主演的台灣電影《無聲》，昨晚在九龍灣舉行首映，吸引方力申（小方）、歐鎧淳、林熙瞳、徐濠縈、楊柳青和可嵐等藝人捧場。近日捲入多角戀的蔡宛珊，昨晚帶同台灣紋身師男友胡仔Dust Wu公開現身晒恩愛，二人大方合照闢謠。
小方近日榮升馬主，愛駒今日首次落場出賽，可惜小方因工作關係未能捧場。小方今次豪擲7位數做馬主，他說：「諗起都傷心，疫情期間冇工開，仲要使錢，今次係湊熱鬧，細佬又有份。」預計有第4波疫情爆發，加上現在學童有上呼吸道感染，直接影響小方游泳教學，他說：「小朋友開始告假，正常唔會補堂，但而家特別情況，會彈性處理。做客戶服務係好高深學問，好彩我唔使接電話，知道啲員工要應付啲客人有時會問你老闆係方力申唔係唔得吓嘛？以為乜都可以Yes，所以公眾人物做生意唔一定有着數。」方力申的香港環島遊紀錄片入圍第5屆澳門國際電影節，12月會放映，可惜小方未能到澳門宣傳。
太保因疫情問題近日留港開工，先後接拍3套電影，今次主演電影非常沉重描述學校欺凌，太保說：「導演好勇敢將社會問題拍攝出嚟，但當中問題就要大眾同社會關心周邊人去解決。」他透露今年台灣金馬獎有邀請他擔任嘉賓，但因工作在身及疫情問題未能參與。
林熙瞳新婚不久，計劃不設防造人：「好想生小朋友，有計住排卵期，留前鬥後，今日朋友笑我一身孕婦look，打算由外至內做好準備。」近日有婚宴群組爆發，她慶幸合時舉辦婚宴。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
