剛離開英皇娛樂的歌手鍾舒漫（Sherman）今年8月在私人FB發文，自爆遭行內人騙財，及後拍片透露已交由律師處理，但未有透露其真正身份。據知Sherman與吳浩康分手後，年前與曾為阮民安的歌曲《煲底之約》MV擔任副導演的Steve Lam（林灝軒）拍拖，而Steve日前在Facebook轉貼前港姐陳潔玲（Christy）疫市開新店的相片，指控對方借「黃藝人」之名食人血饅頭，並力數3宗罪！
據了解約半年前，陳潔玲在網上售賣防疫產品，Steve與Sherman及一些朋友都有份夾錢投資，但最後不歡而散，Sherman追討約4萬元的本金不果，決定入稟小額錢債審裁處，案件12月底會處埋。《蘋果》聯絡過Steve，透露當初是陳潔玲主動邀請合作，但過數約一個月後因發生不愉快事件，令他堅持退股，「佢提過想出寫真集，咁我從事影視工作，邀請佢嚟過studio傾偈，其間借咗兩本nude model（裸體模特兒）嘅書畀佢，係佢問我幾次先借，但後來周圍唱我性騷擾，仲騷擾我屋企人，咁做生意冇咗信任，唔夾就拆夥。」他直言雙方沒有簽訂任何合約，事後陳潔玲很快便全數退款，只是鍾舒漫一開始沒有退股，後來要求退款但不得要領，他說：「我唔知點解，佢哋由我介紹認識，見面唔超過3次，可能後來發現對方有唔對路地方，我估咋。」他未有否認Sherman是女朋友，只稱：「私人事唔回應。」
至於Sherman被追問所指「呃錢行內人」是否陳潔玲？她未有正面回應：「呢樣嘢自己處理緊，無論問咩都畀唔到任何回應。」她透露已入稟小額錢債追錢：「係，但我覺得冇必要發大件事，但佢（陳潔玲）同其他人有咩過節，同我冇關。」Steve是否代出頭？她說：「我係識Steve，但唔係幫我出頭。」男朋友？她說：「我講過，結婚先會講另一半。」
陳潔玲對指控則感到莫名其妙，「吓，我冇話過佢性騷擾。Steve，我係怕咗佢，唔係正常可以溝通到嘅人，所以我係全數退番畀佢。」她稱自己做生意向來講信用：「佢只係夾咗兩萬蚊，當初佢話自己係英皇御用MV導演，後來冇收入，想試吓夾一份，話自己同英皇明星好熟，到時可以幫手宣傳產品，冇諗過最後變到咁複雜。」被指扮黃食人血饅頭？她說：「我隻產品係日本嚟，完全同黃藍扯唔上關係，我發聲係屬於我個人，從來冇透過生意消費呢場運動，可能佢想借黃圈批鬥惹起公眾關注，但對我而言只屬私人糾紛。」
是否Sherman口中的「呃錢行內人」？她說：「係呀。鍾舒漫小姐都拍晒片，又入稟告我呃佢錢，去到呢刻我唔介意認，但亦需要澄清。成件事佢覺得自己受騙，但對我嚟講做生意係要依足程序，第一次冇退股，之後要退貨，都應該簽訂協議書跟程序，唔簽，貨就畀唔到你。我係冇呃過佢錢，只係佢唔明白咩叫做嘢，咩叫同人合作，咩叫做生意。」她認為Steve的言論已構成誹謗，並已將事件交由律師處理。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
