- TVB諸朋好友｜黃日華哽咽回憶拍拖事：以前等埋位會摺花送畀太太
- 3小時前
在無綫清談節目《諸朋好友》中，無綫五虎中的黃日華和苗僑偉，繼續分享自己的人生，期間被問到「人生最難忘」，兩位大男人都不約而同講到眼濕濕，聲線亦聽得出有點哽咽。
- 無綫清談節目《諸朋好友》，崔建邦與張秀文擔任主持。(節目截圖)
難忘太太離世
對黃日華來說，人生最難忘，必定是5月底太太梁潔華離世一事。他說：「最難忘就係親眼睇住太太走嗰刻，呢個係我而家暫時最難忘嘅畫面。人生嘅生老病死始終要經歷，同埋去接受大家個緣份完結咗，你無可能再追返、攞返返嚟。緣份係完咗，但感情係永遠唔會消失。呢幾個月，有三哥呢個好兄弟陪住，幫我度過呢個難關。」雖然傷心，但與太太梁潔華的回憶，其實充滿很多開心與情趣。「頭幾年拍拖，係叫做電話拍拖，日日都要開工，例如有一場無我份拍，咪打電話畀佢囉，『我開緊工呀，你食咗飯未呀？』」黃日華繼續回憶道：「有時等嘅時候無咩嘢做，咪摺啲花、動物仔，咁樣摺摺埋埋咪送畀佢囉。初初佢好開心㗎，後尾會話：『又係呢啲呀？得閒睇下劇本啦，得閒休息下啦，咁辛苦做咩啫！』」
三哥哽咽
至於三哥苗僑偉，他認為人生難忘的，往往是傷心的。他說：「唔開心嘅畫面係特別印象深刻，我哋以前後生入訓練班時，點會遇到生老病死啫，對我哋嚟講好遙遠㗎。但當身邊朋友、父母一個一個離開，你每次感受，就等於成長，人生就係咁樣，我哋仲有好多條路要行，所以一定要擺好自己心態，感情放喺心，然後一定要面對將來，要好堅強、樂觀面對日後嘅生命，識得放下係好緊要。」經常笑面迎人的三哥，提起親人離開，也難得哽咽起來。 ----------------------------
《噴火30年壹驚艷 性感女星典藏集》特刊現已出版，各大書報攤、便利店及《壹出版》網店有售，每本港幣九十八元正。
按此購買
----------------------------
守住新聞自由 和你撐壹週刊計劃 每月港幣$300起
按此了解更多
-----------------------------
英國移民、升學、就業、買樓生活資訊！
立即加入「走佬去英國 － BNO 5+1 移民資訊研究所」
來源 source: http://nextplus.nextmedia.com
|
鍾意就快D Share啦！
|
|
|
