旅客少了，垃圾卻沒減少
武漢肺炎疫情關係，各國相繼實施入境、旅遊限制。香港，一直因過度旅遊、人滿為患而衍生的民生、秩序、環境問題，有沒有因此得到休養生息機會？
ViuTV疫境旅遊節目《當遊客不存在》走訪港日台三地，其中香港部分由出名著重環保的岑樂怡(阿妹)負責。而她在節目中，帶出了一個訊息：「少咗旅客，香港街道、遠足徑會唔會乾淨咗呢？答案係唔會！原來香港人都唔係好愛呢個地方啫，隨手就扔垃圾。香港人自己要爭氣，而家啲人成日話『我真係好X鍾意香港』，真係鍾意唔該表現出嚟，而唔係咁樣做(隨手扔垃圾)。」
- 阿妹咬牙切齒拍晒枱，覺得香港人口講愛香港，但連保持香港整潔都做唔好。
郊外不乏Condom、M巾
ViuTV藝員岑樂怡，做YouTuber也要主打環保議題，開了個YouTube channel「岑樂怡和你Green」，就知她是個不折不扣的「環保L」。不過，不得不佩服這「環保L」，事關她在節目執垃圾期間，發現一片使用過的M巾，二話不說就用手執起，更平放在手掌上觀察，連同行的女工作人員也擺出一副嫌棄嘴臉說：「快啲丟咗佢」岑樂怡卻淡淡然：「我又係女人，你又係女人，有幾核突？」
只能說她做山野清道夫做得多，嘔心的垃圾早已見慣不怪。「慣咗呀可能真係，同埋M巾都係女性成日接觸嘅嘢嚟。可能執垃圾已經成為我嘅習慣，已經覺得無乜嘢。」她說。
問到曾經最執唔落手的，岑樂怡說：「Condom囉，我喺山上真係見過condom，無嘢喺入面嘅，但已經拆咗包裝袋，我真係無執到，叫個男仔過嚟，『喂，你搞掂佢啦』咁樣。」
海洋垃圾更難清
節目中，岑樂怡不單要在路上執垃圾，還要執海洋垃圾，她說難度比在陸上大得多：「出海執垃圾我覺得難好多，同埋垃圾量真心多。山上都多垃圾，但容易啲處理，因為山上垃圾唔會有漁網纏繞、唔會好細碎，但海上垃圾俾水沖過碎晒，啲漁網又抓住太多嘢，所以我發現山同海嘅垃圾量有分別，同埋海難執啲。」- 阿妹指海洋垃圾較山野垃圾難清理，特別係漁網、繩狀之類，會纏繞住其他垃圾，清理上好花體力、時間。
環保L朋友唔易做
岑樂怡靚靚女女卻經常執垃圾，值得稱讚。不過，她坦承有時卻辛苦了身邊的朋友：「昨晚食飯，間餐廳老闆好好人，佢見到我哋就話：『哎呀，我好鍾意睇ViuTV㗎。』然後請我哋飲嘢，但用膠杯裝。老闆唔知我係『環保L』，當啲飲品一嚟到，我兩個朋友就O咗嘴，佢哋好驚我唔開心。佢哋都話有時同我出街好大壓力，有啲情況都唔知點面對好。我發現原來身邊啲人同我出街有壓力，喺環保問題上，會驚我唔開心囉。不過我睇人㗎咋，熟嗰啲我會話驚係啱㗎，無咁熟嗰啲我先會叫佢唔使咁大壓力，但其實心裡係開心，起碼佢會因為我而醒起環保。」 ----------------------------
《噴火30年壹驚艷 性感女星典藏集》特刊現已出版，各大書報攤、便利店及《壹出版》網店有售，每本港幣九十八元正。
按此購買
----------------------------
守住新聞自由 和你撐壹週刊計劃 每月港幣$300起
按此了解更多
-----------------------------
英國移民、升學、就業、買樓生活資訊！
立即加入「走佬去英國 － BNO 5+1 移民資訊研究所」
來源 source: http://nextplus.nextmedia.com
|
鍾意就快D Share啦！
|
|
|
