有畏高真係搞唔掂！天王郭富城拍過唔少動作戲，做咗爸爸之後都冇錫身，繼續親身上陣拍危險場口，今日佢去咗佛山為電影《我的爸爸不一樣》開工，拍攝一場爬出天橋 ...
天王郭富城拍過唔少動作戲，做咗爸爸之後都冇錫身，繼續親身上陣拍危險場口，今日佢去咗佛山為電影《我的爸爸不一樣》開工，拍攝一場爬出天橋拯救小狗嘅戲份，真係睇見都驚驚！
身穿工人褲嘅城城拍攝前先由工作人員幫忙綁上威吔，之後就跨過欄杆企出去天橋邊，個位窄到得半隻腳掌咁大，一個失手就會由20呎高跌落河，個膽細啲真係企喺度都會腳軟，佢之後仲要單手捉住欄杆再彎身執起隻狗仔，雖然個程好危險，但係好彩佢經驗豐富最終順利拍完，唔少圍觀嘅人都大讚城城貴為天王都唔偷懶，遇到危險場口都親身上陣夠專業。
