謝偉俊爆白姐姐買樓一睇即扑槌
謝偉俊爆白姐姐買樓一睇即扑槌
76歲白韻琹跟61歲謝偉俊(Paul)這一對，89年開始同居，一起生活超過30年，風雨中經歷高低起伏。這一年，疫情令不少香港人被逼留在屋企，白姐姐自言近兩年很少外出，大部份時間留在家。
16年底以6600萬買入敦皓的特色單位，及以836萬購2車位。17年中入住，踏進這個位於西半山的2600呎豪宅，你會明白甚至打扮也變的樸素的白姐姐和Paul不喜歡外出的原因。
「呢間屋就係夠綠。如果綠嘅地方，當然去到西貢或者新界會有更多綠化地方。但咁近市區，五分鐘返到立法會嘅地方，可以有咁嘅環境就比較困難，因為直情喺太平山嘅半山腳，望到整個山頂，同埋空氣又好好。」Paul又讚白姐姐眼光獨到，事緣他們先看頂層，但卻認為風勢太猛不宜居住，由頂層望向平台，發覺像個窩好特別，於是要求經紀帶去看。
「白姐姐一見到就馬上話要買，當時仲未開始發售，我哋都特登安排約見。一睇完白姐姐即刻話唔使揀，決定扑槌，就係一種緣份。」他補充。
白姐姐30幾歲有3千萬身家
白姐姐30幾歲有3千萬身家
https://hk.nextmgz.com/article/2_637640_0" title="【曾嫁緬甸首富二代育有一子】四十年前已擁3000萬身家 白韻琹現揸過億物業(足本版)" target="_blank">白姐姐後生時有個一段婚姻，30幾歲已經有3千萬身家，早年開始投資磚頭，在香港擁有不少物業，也會投資海外房地產。13年，白姐姐公開「投訴」跟阿Paul未達標準老公水平，接着爆出兩人於97年在拉斯維加斯註冊成正式夫妻，婚姻出現危機，而向來投資有道的白姐姐，原來在海外包括美國、法國、東南亞等地擁有不少於20個物業，資產估計接近3億。對於頑皮的白姐姐在那幾年每愛在公開場合「投訴」，令心思慎密的阿Paul難受，她在年多前公開向另一半道歉，Paul也隨時間淡忘，只輕描淡寫：「梗係冤枉我一啲事啦，我都唔記得咗。」至於白姐姐亦附和：「唔記得喇，呢啲濕碎事。」
- 白姐姐是性情中人，當年提起她的愛駒小燕子離世，她即傷心痛哭。
- 時為90年，兩人結伴到外地旅行，謝偉俊打扮相當「靚仔」。
- 白姐姐跟阿Paul時有驚人之舉，曾經一起拍半裸照。
- 白姐姐讚阿Paul心思慎密，有不少舉動都令她感動。
白姐姐反應靈活
白姐姐反應靈活
入住新屋後，夫婦關係確比以前好，不單被拍到一起shopping買西裝，Paul又會陪白姐姐染髮，明顯比以前相處和諧。日前，壹仔更拍到Paul帶着白姐姐出外，全程照顧周到。「我哋以前經常會鬧交咩？可能感覺佢變得乖咗馴咗？咁樣講啦，白姐姐係少咗朋友，以前可能多啲麟角，而家就乖女啲。我會叫佢乖仔。」Paul反問。
至於一直否認腦退化的白姐姐反應極快：「佢當我係男仔。都無所謂，男女都無咩所謂。」外間指她最在乎阿Paul錫佢，她又十分直接：「錫唔錫我唔知喎，呢啲都要估。」
原來，曾經上過大師級風水班的謝偉俊，確實為新屋做過一點「手腳」，如在入門玄關位置加上屏風：「基本上好多時都唔想一入屋就開門見山，所以輕輕擋一擋。」又例如有流水轉動擺設，Paul解釋：「係一啲水嘅聲音，與其話係風水，不如話我鍾意一啲流水聲音，水流又唔係太急，有啲洗滌同meditation嘅作用。」
問是否取「細水長流」之意，白姐姐說：「其實呢啲都係任你點樣諗。」
- 當年二人共同生活的睡房，白姐姐穿上睡衣讓本刊拍照。
- 謝偉俊50歲生日，搬入位於金鐘的新office。
- 白姐姐跟已故邵逸夫和方逸華份屬多年好友，曾結伴去廸士尼。
- 謝偉俊55歲生日，白姐姐邀請一班朋友跟老公一起慶祝，兩人在飯桌上耍花槍，大玩出刀仔。
謝偉俊的無意「風水陣」
謝偉俊的無意「風水陣」
Paul總括「風水陣」是無意之作：「我哋無刻意擺陣，但可能不經意地已經有啲地方迴避咗，或者做咗一啲事。」故有些位置又有違風水，他說：「就係屋裡面有好多鏡，理論上唔應該有咁多鏡，但我哋鍾意有好多鏡，特別有一批印度做嘅鏡，我覺得唔錯，同埋喺屋裡面都可以望到室外風景。」Paul說入住後，他的睡眠質素明顯變好，情緒也不容易波動，他說：「我諗呢兩年全香港市民都好辛苦，但我哋算係非常好彩，疫情下都叫做有個地方可以吸吓新鮮空氣。」不過白姐姐又唱反調：「我唔係咁樣睇。(你唔係咁樣睇，咁你鍾唔鍾意？)我覺得順其自然，每個人嘅人生係點樣，你自己都唔知咁多，正所謂煮到嚟就食。(咁呢餐飯好唔好食？呢間屋好唔好住？)我覺得呢度非常好。」
白姐姐大讚安樂窩，Paul在過去兩年也有動作，他自言年紀開始大，不想再「煩」去處理香港及海外物業的收租事，故陸續將3億物業沽出，手上只剩自住居所以及內地一幢別墅。
----------------------------
按此訂購「壹週刊 X 勁揪體 2021 和你壹起撐住香港」月曆
----------------------------
守住新聞自由 和你撐壹週刊計劃 每月港幣$300起
按此了解更多
-----------------------------
英國移民、升學、就業、買樓生活資訊！
立即加入「走佬去英國 － BNO 5+1 移民資訊研究所」
來源 source: http://nextplus.nextmedia.com
|
鍾意就快D Share啦！
|
|
|
