好彩一早返咗嚟！
新冠肺炎疫情在英國相當嚴峻，英國更現變種病毒株，港府將收緊防疫條例，由午夜，即明日（22日）凌晨零時起，所有過去14日曾於英國逗留超過2小時的人士，包括香港人，將禁止登上飛抵香港的航班，直至另行通告為止。
DJ森美的兒子梁曦樂在英國讀書，入讀寄宿學校協和學院，他接受東網訪問時表示：「阿仔一早已經返咗嚟，隔離咗兩個星期，出埋隔離酒店，喺香港再留多兩個禮拜。之前係因為放假返嚟，依家唯一擔心係睇佢返唔返到去。會密切留意當地情況，要考量吓，雖然話傳播力廣，但希望冇咁嚴重，等過多一個禮拜，如果真係好嚴重，叫佢留喺香港先，因為佢要考試，所以都唔會叫佢唔返囉，都係睇情況再決定。」問到英國的情況？他指兒子3周前回港，所以當時疫情不似現時嚴峻，是這幾天突然加劇，所以兒子不是因當地疫情關係才速回港。
問到兒子何時返英國開學？他說：「好快，佢喺香港留咗一個禮拜就要返去㗎喇，不過時間就好趕，佢喺香港過完1月1日就返去英國，返去後都要留喺宿舍2個禮拜先，計埋差唔多1個月時間，希望誇張嘅疫情可以緩和啲，如果唔得就麻煩。（都好危險？）都係暫時唔返嘅，佢返去2個禮拜後要考Mock Exam，依家要同個仔一齊傾緊，或者同學校嗰邊傾，如果返唔到去就考唔到Mock Exam，睇吓影響大唔大，我梗係想佢唔返」
來源 source: http://hk.on.cc
|
鍾意就快D Share啦！
|
|
|
