政府抗疫措施錯漏百出，朝令夕改，只顧抗疫，不理民生。連一向撐政府的霍啟剛，今日都忍不住再呻「我地體育界同文化界又再一次經歷停擺。」「我地要交租、要生活、要食飯。」政府一聲令下，近日抗疫措施再收緊，餐飲業大受影響，美容、運動場所、表演場地全都要關閉，大量相關行業的從業員，由藝人到運動員、教練等都生計不保。代表體育及文化界的霍啟剛，在IG 以黑底白字，大字報式貼文，寫上「再一次閂場，再一次停擺」以示不滿。
他長文表示收到好多業界求助及查詢，要求政府提供支援，但似乎未有好消息。他字裡行間明顯既無奈又憤怒，但又不能言明。「疫情嚴峻、減少聚集，我明，我理解；但係政府都要理解吓我哋要交租、要生活、要食飯，一句話閂場，影響幾多人生計、幾多家庭？呢幾日一直同政府部門溝通，反映業界朋友難處同不滿，亦要求提供支援俾文體業界；目前唔敢判斷政府反應是否正面，我只希望每一句「明白」、「知道」背後，真係有企喺業界角度諗，真係會幫我哋。」最後更以hashtag 補充，#希望大家都要撐住 #要抗疫也要開工 。
其實，霍啟剛九月分已經為業界發聲，表示許多人完全零收入，就快捱唔住，「政府不能繼續因噎廢食，反之必須要帶領社會尋求出路……業界朋友的吶喊，政府你聽到未？」如今看來，很明顯是聽不到。
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
