人氣男團MIRROR成員姜濤今天到尖沙嘴出席商場活動，吸引近百fans到場，站在摺凳上隔着圍板拍照，非常熱情！姜濤承認從台灣回港後要密密賺錢，他說：「係呀！要賺錢呀！我唔太清楚收入，都係阿媽理財，好感激疫情期間仍然有工作。」問他怕惹來隊友們妒忌嗎？他說：「唔會MIRROR嘅工作量都幾好，各有各忙。疫情下得閒嘅話我會增值，會學唱歌跳舞，生活好沒趣，哈哈！」笑問他為何不找個女朋友，過聖誕便會變得有趣？姜濤乘機hard sell新歌《愛情簽證申請》笑說：「冇諗過，我都冇諗住遞交簽證申請，公司冇限制拍拖，只係話自己做嘅事自己負責。」至於之前姜媽媽叫他找個台灣女友，姜濤說：「係呀！因為佢一直想移民台灣，其實台灣人我都鍾意，無分男女，佢哋都好熱情，知道我喺香港嚟都特別照顧我！」他又直言在台灣冇女埋身：「台灣大把靚仔，自己去到嗰度根本唔係靚仔。」
姜濤又謂有留意《全民造星III》，他透露睇好參賽者Manson與隊友Stanley的女友Alina，又大讚Stanley與Alina身材也好，他自爆說：「花姐下令明年要有3大目標，其中係要操好身形，練到好似Stanley咁。」問到夠膽如隊友Ian及Anson Lo般在《男排女將》騷肌嗎？他說：「台灣拍嗰套劇都有㗎，但就冇咁勁，自己都好期待。香港拍劇如果有嘅話會開Live通知大家。」
-----------------------------
《蘋果》英文版免費試睇：了解更多
英文版已登錄《蘋果》App，立即下載/ 更新：iOS/Android
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！
來源 source: http://hk.appledaily.com
|
鍾意就快D Share啦！
|
|
|
