好似真情侶一樣。
藝人龔嘉欣與羅天宇出席無綫劇集《香港愛情故事》宣傳，為配合劇中角色，男方被要求向嘉欣示愛，沒料被對方要求除衫，同場的林景程即上前幫拖，天宇於是除下大褸後即跪地求饒，場面搞笑。
事後兩位主角齊受訪，對劇集口碑好表示沒有預計，天宇笑指於街上也被市民叫他劇中暱稱「巨龍哥」，令其尷尬非常，談到於下月頒獎禮分別有視帝、飛躍及喜愛角色三獎提名，他不諱言感覺如發夢：「唔敢諗太多，但對自己嚟講係一個肯定（拉票？）媽咪日日Send條Link畀人，叫佢哋入去見我個名就撳。」而同樣有幾個提名的嘉欣，就笑指不同劇有不同提名，故會分散投資。
對於劇集有機會開第二季，二人同聲叫好，嘉欣興奮說：「好想，因為成個團隊好開心，但我唔想再有嗰啲（親熱）場口，零床戲，好驚，乜都睇勻晒，厭咗，我唔要天宇（咁抗拒？）講笑，其實佢之前都介懷，因為角色本身唔係佢，但我覺得選角係啱嘅，第二輯都一定預佢，非佢莫屬。」天宇坦言早幾日才知是執二攤，但也沒想太多，認為已盡力演好角色。
來源 source: http://hk.on.cc
|
鍾意就快D Share啦！
|
|
|
